લોકોને પાંચ વર્ષની સ્થિર સરકાર અને સમય તેમજ નાણાંનો બગાડ રોકવા માટે વન નેશન વન ઇલેક્શન અનિવાર્ય: મહેશભાઈ કસવાલા, મોરબીની ઉમા ટાઉનશીપ ખાતે વન નેશન, વન ઇલેક્શનનો કાર્યક્રમ યોજાયો મોરબીના જલારામ પ્રાર્થના મંદિર ખાતે આંતરરાષ્ટ્રીય હિન્દુ પરિષદની સૌરાષ્ટ્ર પ્રાંતની બેઠક યોજાઈ મોરબીના રફાળેશ્વર પાસે માજી સરપંચના પતિને માર મારીને અપહરણ કરવાનો પ્રયાસ કરવાની ઘટનામાં હજુ કોઈ ગુનો નોંધાયો નથી ! મોરબી જલારામ મંદિરે સ્વ.દમયંતિબેન કાંતિલાલ પોપટના પરિવારના સહયોગથી નેત્રમણી-નેત્રયજ્ઞ કેમ્પ યોજાયો મોરબીની પીએમશ્રી માધાપરવાડી કન્યા શાળામાં ગુરૂ વંદન ઉત્સવ ઉજવાયો મોરબી જિલ્લા કરણી સેના દ્વારા પી.ટી. જાડેજા સામે કરવામાં આવેલ ખોટી કાર્યવાહીનો વિરોધ વાંકાનેરના ભેરડા ગામ નજીકથી એક વર્ષ પહેલા થયેલ બાઈક ચોરીની હવે ફરિયાદ ! મોરબીના નવા એસટી ડેપોમાં વિદ્યાર્થિનીના પગ ઉપર બસનું ટાયર ફરી જતાં અંગૂઠામાં ફ્રેકચર-બે નખ નીકળી ગયા
Breaking news
Morbi Today

માળીયા (મી)ના સરવડ ગામના યુવાને વ્યાજખોરોને 10 લાખની સામે 80 લાખ ચુકવ્યા છતાં પાંચ લાખની પઠાણી ઉઘરાણી !


SHARE

















માળીયા (મી)ના સરવડ ગામના યુવાને વ્યાજખોરોને 10 લાખની સામે 80 લાખ ચુકવ્યા છતાં પાંચ લાખની પઠાણી ઉઘરાણી !

માળીયા મીયાણા તાલુકાના સરવડ ગામે રહેતા યુવાને બે શખ્સ પાસેથી પાંચ-પાંચ લાખ રૂપિયા 10 ટકાના વ્યાજ લેખે લીધા હતા જેની સામે યુવાને આરોપીઓને 80 લાખ રૂપિયા ચૂકવી દીધા છે. તેમ છતાં પણ વ્યાજખોરો દ્વારા યુવાન પાસેથી વધુ પાંચ લાખ રૂપિયા પડાવવા માટે થઈને તેને વ્હોટસએપ કોલ કરીને ગાળો આપીને મારી નાખવાની ધમકી આપવામાં આવી રહી છે. જેથી ભોગ બનેલા યુવાન દ્વારા માળીયા મીયાણા તાલુકા પોલીસ સ્ટેશન ખાતે ત્રણ શખ્સોની સામે હાલમાં ફરિયાદ નોંધવામાં આવેલ છે. જેના આધારે પોલીસે આરોપીઓને પકડવા માટે તજવીજ શરૂ કરી છે.

જાણવા મળતી માહિતી મુજબ માળિયા તાલુકાના સરવડ ગામે રહેતા અવિભાઈ અમૃતભાઈ લોદરીયા જાતે પટેલ (23)એ હાલમાં માળીયા મિયાણા તાલુકા પોલીસ સ્ટેશન ખાતે વિરમભાઈ હમીરભાઈ કરોતરા રહે. શક્ત સનાળા, કિશનભાઇ ઉર્ફે દુષ્યંતભાઈ મહેશભાઈ અજાણા રહે. શક્ત શનાળા તથા પ્રવીણભાઈ રબારી રહે ખાનપર વાળાની સામે ફરિયાદ નોંધાવેલ છે જેમાં તેને જણાવ્યુ છે કે, તેણે વિરમભાઈ અને કિશનભાઇ પાસેથી પાંચ-પાંચ લાખ રૂપિયા 10 ટકાના વ્યાજ લેખે લીધેલ હતા અને તેની સામે ફરિયાદી યુવાને અત્યાર સુધીમાં બંને વ્યાજખોરને 80 લાખ રૂપિયા જેટલી રકમ ચૂકવી દીધેલ છે.

છતાં ફરિયાદી પાસેથી આરોપીઓ દ્વારા વધુ પાંચ લાખ રૂપિયા પડાવવા માટે થઈને ફરિયાદીના ફોનમાં વ્હોટસએપ કોલ કરીને ગાળો આપીને જાનથી મારી નાખવાની ધમકી આપવામાં આવે છે. અને વધુ પાંચ લાખ રૂપિયાની માંગણી કરવામાં આવે છે. જેથી કરીને ભોગ બનેલા યુવાન દ્વારા હાલમાં માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ત્રણ શખ્સોની સામે ગુનો નોંધી આરોપીઓને પકડવા માટે તજવીજ શરૂ કરી છે.




Latest News