મોરબી જીલ્લામાં આવેલ મોરબી સિવાયની ચાર પાલિકામાં પ્રમુખ પદ માટેનું રોટેશન જાહેર !

મોરબી જિલ્લાના પાંચેય તાલુકામાં નગરપાલિકા છે જો કે, બોડી એક પણ પાલિકામાંથી અસ્તિત્વમાં નથી ત્યારે શહેરી વિકાસ અને શહેરી ગૃહ નિર્માણ વિભાગ દ્વારા 150 પાલિકાના પ્રમુખ પદ માટે રોટેશન જાહેર કરવામાં આવ્યું છે. જેમાં મોરબી જિલ્લાની ચાર પાલિકાના પ્રમુખ પદ માટે રોટેશન જાહેર થયું છે.

હાલમાં રાજયની 150 પાલિકાના પ્રમુખ પદ માટેનું રોટેશન સરકાર દ્વારા જાહેર કરવામાં આવ્યું છે જેમાં મોરબી જીલ્લામાં પહેલા ચાર પાલિકા હતી જ અને ટંકારાને પણ પાલિકાનો દરરજો આપવામાં આવેલ છે ત્યારે કુલ પાંચ પાલિકા આ જીલ્લામાં થયેલ છે જો કે, આજની તારીખે પાંચમાંથી એક પણ પાલિકામાં બોડી અસ્તિત્વમાં નથી. ત્યારે આગામી સ્મયમાં પાલિકા માટેની ચૂંટણી જાહેર કરવામાં આવે તેવી શક્યતા છે ત્યારે પ્રમુખ પદ માટેનું રોટેશન જાહેર કરવામાં આવેલ છે જેમાં વાંકાનેર પાલિકામાં પ્રમુખ પદ માટે OBC (મહિલા), હળવદ પાલિકામાં પ્રમુખ પદ માટે મહિલા, માળીયા (મી) પાલિકામાં પ્રમુખ પદ માટે OBC અને ટંકારા પાલિકા પ્રમુખ પદ માટે OBC જાહેર કરવામાં આવેલ છે. અને આગામી દિવાળી પછી સ્થાનિક સ્વરાજ્યની સંસ્થાઓની ચૂંટણી કરવામાં આવે તેવા સંકેત મળી રહ્યા છે.