ટંકારામાં સરકારી હોસ્પિટલની બાજુમાં રહેતી યુવતી ઝેરી દવા પી જતાં સારવારમાં મોત

ટંકારામાં સરકારી હોસ્પિટલની બાજુમાં રહેતી યુવતીએ કોઈ કારણોસર ઝેરી દવા પી લીધી હતી જેથી તેને તાત્કાલિક સારવાર માટે ટંકારા અને ત્યાંથી વધુ સારવાર માટે મોરબીની સરકારી હોસ્પિટલે લઈને આવ્યા હતા ત્યાં સારવાર કારગત ન નિવડતા યુવતીનું મોત નીપજયું છે જે બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે.

બનાવી જાણવા મળતી માહિતી મુજબ ટંકારામાં આવેલ સરકારી હોસ્પિટલની બાજુમાં રહેતા ઇમરાનભાઈ બાબભાઈ કાસમાણીની 23 વર્ષની દીકરી નજેમાબેનએ પોતે પોતાના ઘરે હતી ત્યારે કોઈ અગમ્ય કારણોસર ઝેરી દવા પી લીધી હતી જેથી તેને તાત્કાલિક સારવાર માટે ટંકારાની સરકારી હોસ્પિટલ ખાતે લઈને આવ્યા હતા ત્યાંથી વધુ સારવાર માટે તેને મોરબીની સરકારી હોસ્પિટલે લઇ આવ્યા હતા અને આ બનાવની પ્રથમ મોરબી સીટી એ ડિવિઝન પોલીસને જાણ કરતા પોલીસે આગળની કાર્યવાહી હાથ ધરી હતી જોકે, બનાવ ટંકારા તાલુકા પોલીસની હદમાં બનેલો હોવાથી ટંકારા તાલુકા પોલીસને આ બનાવની જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ એસ.બી. સીદીકી ચલાવી રહ્યા છે અને યુવતીએ કયા કારણોસર પગલું ભર્યું છે તે દિશામાં તપાસ ચાલી રહી છે

 ટ્રક અને બાઈકનો અકસ્માત

મોરબીના મહેન્દ્રપરા વિસ્તારમાં રહેતો રાજેન્દ્રભાઈ દેવજીભાઈ નારણીયા (36) નામનો યુવાન બાઇક લઈને મોરબીના લખધીરપુર રોડ ઉપર આવેલ સેન્સો ચોકડી પાસેથી પસાર થઈ રહ્યો હતો ત્યારે ટ્રક ચાલકે તેના બાઇકને હડફેટે લેતા અકસ્માત થયો હતો જેમાં ઇજા પામેલા યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ જે.પી. પટેલ દ્વારા કરવામાં આવી છે