મોરબી નજીક હાઇવે રોડે રિક્ષાની રેસ કરતા શખ્સને પોલીસે પકડ્યો
SHARE
મોરબી નજીક હાઇવે રોડે રિક્ષાની રેસ કરતા શખ્સને પોલીસે પકડ્યો
મોરબી જિલ્લાના જુદાજુદા વિસ્તારમાં બાઈકના સ્ટંટ કરતાં શખ્સો જોવા મળે છે અને તેના વિડીયો વાઇરલ થાય તે પછી પોલીસ હરકતમાં આવે છે આવી જ રીતે તાજેતરમાં મોરબી-રાજકોટ હાઇવે ઉપર શનાળા ગામ પાસે સીએનજી રીક્ષાના ચાલકોએ રેસ લગાવી હતી અને તેનો વિડીયો કેમેરામાં કેદ થયેલ હતો જેથી કરીને પોલીસે વિડીયો આધારે કાર્યવાહી કરી હતી જેની માહિતી આપતા અધિકારી જણાવ્યુ હતું કે, વિડીયોમાં દેખાતી સીએનજી રિક્ષાના નંબર જીજે 3 એ એક્સ 4123 હોવાનું સામે આવ્યું હતું જેથી કરીને ઇ ગુજ કોપથી સર્ચ કરીને વાહનની ડીટેઇલ મેળવી હતી. અને બાદમાં રિક્ષા ચાલક અકરમશા હુશેનશા શાહમદાર (20) રહે. વજેપર મેઇન રોડ જીતેન્દ્ર પાન પાસે મોરબી વાળાને પકડીને પોલીસે કાયદાનું ભાન કરાવ્યુ હતું આ કામગીરીમાં પીઆઇ કે.એમ.છાસીયાની સૂચના મુજબ પીએસઆઈ ડી.બી.ઠક્કર અને દેવાયતભાઈ ગોહેલ તથા ભાનુભાઇ બાલાસરા દ્વારા કરવામાં આવી હતી