મોરબીના બેલા નજીક કારખાનામાં ટ્રક ચાલકે હડફેટે લેતા ઇજા પામેલા યુવાનનો પગ કપવો પડ્યો: ગુનો નોંધાયો
Morbi Today
મોરબીમાં યુવાનને ઓનલાઇન જુગારના રવાડે ચડાવીને આયોજન પૂર્વક વ્યાજના ચૂંગાલમાં ફસાવ્યો: લાખો રૂપિયા પડાવ્યા તો પણ 6 શખ્સો દ્વારા પઠાણી ઉઘરાણી ચાલુ !
SHARE
JOIN OUR GROUP
મોરબીમાં યુવાનને ઓનલાઇન જુગારના રવાડે ચડાવીને આયોજન પૂર્વક વ્યાજના ચૂંગાલમાં ફસાવ્યો: લાખો રૂપિયા પડાવ્યા તો પણ 6 શખ્સો દ્વારા પઠાણી ઉઘરાણી ચાલુ !
મોરબીમાં કૌટુંબિક સગાની ફાયનાન્સની ઓફિસે બેસવા માટે જતાં યુવાનને ઓનલાઇન જુગારની આઈ.ડી. બનાવી આપવામાં આવી હતી અને ત્યાર બાદ તે યુવાનને જુગાર રમવા માટે રૂપિયા પણ આપવામાં આવ્યા હતા અને તે યુવાન જુગારમાં રૂપિયા હારી ગયો હતો ત્યાર બાદ વ્યાજખોરોના ચૂંગાલમાં તે ફસાયો હતો અને તેની પાસેથી કોઈપણ રૂપિયાની લેતી દેતી વગર રૂપિયા પડાવવામાં આવ્યા હતા તેમજ તેની પાસેથી જુદા જુદા વ્યાજખોરે 30 થી લઈને 60 ટકા વ્યાજ લેખે આપેલ રૂપિયા કરતાં વધુ રૂપિયા પડાવી લીધેલ છે તો પણ હજુ પઠાણી ઉઘરાણી ચાલુ જ રાખવામા આવી રહી છે અને યુવાનને વ્યાજના રૂપિયા ન આપે તો જાનથી મારી નાખવાની ધમકી આપવામાં આવે છે જેથી કરીને હાલમાં ભોગ બનેલા યુવાને ચામડા ચીરી નાખે તેવું લાકડા જેવુ વ્યાજ વસૂલ કરતાં કુલ મળીને 6 શખ્સોની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવેલ છે. જેના આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી છે.
જાણવા મળતી માહિતી મુજબ મૂળ બગથળા ગામના રહેવાસી અને હાલમાં મોરબીમાં રવપર રોડ ઉપર સ્વાગત હોલની પાછળ આવેલ જલારામ સોસાયટીમાં રહેતા નિવૃત શિક્ષકના દીકરા વિનાયક મણીલાલ મેરજા જાતે પટેલ (20)એ હાલમાં મોરબી એ ડિવિઝન પોલીસ સ્ટેશન ખાતે ક્રુણાલ ઉર્ફે ભુરો નિતેશભાઇ ઓગણજા જાતે પટેલ રહે. ન્યુ ચંદ્રેશનગર પ્રભાત હાઇટસ મોરબી, રાહુલભાઇ જારીયા રહે. ગજડી તાલુકો ટંકારા, જયરાજ સવસેટા રહે. દેવગઢ તાલુકો માળીયા(મિ), મિલનભાઇ પકાભાઇ ફુલતરીયા રહે. ઉમા ટાઉનશીપ મોરબી, માધવ જીલરીયા રહે. રવાપર મોરબી અને રાધે ડાંગર રહે. ગજડી તાલુકો ટંકારા વાળાની સામે ફરિયાદ નોંધાવેલ છે
જે ફરિયાદીમાં જણાવ્યુ છે કે, આજથી બે વર્ષ પહેલા એટ્લે કે ગત તા.10/2/22 ની આસપાસ તે મોરબી નિર્મલ સ્કુલમાં ધો. 12 મા અભ્યાસ કરતો હતો ત્યારે તે યુવાનના મમ્મીના મામાના દિકરાનો દિકરો કુણાલ ઉર્ફે ભુરો ઓગણજા ઉમીયા સર્કલ પાસે રત્નકલા ડાયમંડ કારખાના સામે આવેલ શોપીંગ સેન્ટરમાં શિવાય ફાયનાન્સની ઓફીસ ચલાવતો હતો ત્યાં તે અવાર નવાર બેસવા જતો હતો અને કુણાલ પોતે પોતાની ઓફીસે ઓનલાઈન જુગારની આઈ.ડી. બનાવી રમતો હતો જેથી ફરિયાદીને પણ ઓનલાઈન જુગાર રમવાનો શોખ થયો હતો અને જેથી કરીને કુણાલે ફરિયાદીને તેની જ ઓફીસે તેના મોબાઇલમા ઓનલાઇન જુગાર માટે આઈ.ડી. બનાવી આપી હતી અને તે આઇ.ડી. માં પાંચ લાખ કુણાલે પોતાના આઈ.ડી.માથી ક્રેડીટ પેટે ટ્રાન્સફર કર્યા હતા.
જે રકમ ફરિયાદી યુવાન ઓનલાઈન જુગારમાં હારી જતા કુણાલને પાંચ લાખ રૂપિયા આપવાના હતા જે રૂપિયા સમયસર ન આપતા કુણાલે પેનલ્ટી અને વ્યાજ ચડાવીને ફરિયાદી પાસેથી સાત લાખ રૂપિયાની માંગણી કરી હતી. જો કે, કુણાલની ઓફીસે ફાયનાન્સ વાળા તેના મિત્રો રાહુલ જારીયા, રાધે ડાંગર અને જયરાજ સવસેટા બેસવા માટે આવતા હતા જેથી તેની સાથે ફરિયાદીને ઓળખાણ થયેલ હતી. અને ત્યાર બાદ કુણાલને રૂપિયા ચૂકવવા માટે ફરિયાદી એકાદ વર્ષ પહેલા મોરબીના શનાળા રોડે આવેલ સ્ટાર આર્કેડ શોપીંગના પાકીંગમા રાહુલ પાસેથી 30 ટકાના વ્યાજે ત્રણ લાખ રૂપિયા લીધા હતા. જેની સામે તેને વ્યાજ સહિત એક લાખ રૂપિયા ચૂકવી આપેલ છે તો પણ ફરિયાદી પાસેથી રાહુલ જારીયા 5.50 લાખ રૂપિયાની માંગણી કરે છે. અને સાતેક મહિના પહેલા રાહુલે ફરિયાદને ઉમીયા સર્કલ પાસે બોલાવેલ હતો અને તેની સ્વિફ્ટ ગાડીમાં બેસાડીને 5.50 લાખની ઉઘરાણી કરી હતી અને બે ફડાકા માર્યા હતા અને જો વ્યાજના રૂપીયા ટાઈમે નહી આપે તો જાનથી મારી નાખશે તેવી ધમકી આપી હતી.
આવી જ રીતે કુણાલની ઓફીસે આવતા જયરાજ સ્વસેટા સાથે મિત્રતા હોય દસેક મહીના પહેલા જયરાજે ફરિયાદીને મને ફોન કરીને શનાળા રોડે રત્નક્લા ડાયમંડ કારખાનાની સામે સ્ટાર આર્કેડ શોપીંગના પાર્કિંગમા બેસવા માટે બોલાવેલ હતો જેથી ફરિયાદી ત્યાં બેસવા માટે ગયો હતો અને ત્યારે તેની પાસેથી કોઈ રૂપિયા લીધેલ ન હતા તો પણ બે દિવસ પછી ફરિયાદી યુવાનને જયરાજે ફોન કર્યો હતો કે, “બે દિવસ પહેલા તું મારી પાસે બેસવા આવેલ હતો ત્યારે દસ લાખ લઈ ગયેલ છો તે ક્યારે આપીશ” જેથી ફરિયાદી યુવાને કહ્યું હતું કે, “મે ક્યાં રૂપીયા લીધેલ છે” જેથી જયરાજે કહ્યું હતું કે, “તારા બાપાને ફોન આપ તેમ કહી ગમે તેમ બોલાતા હતો અને ત્યાર બાદ ફરિયાદીના પિતાને ફોનમાં કહ્યું હતું કે, “ રૂપીયા તો આપવા પડશે નક્કર તેના દીકરાને ઉપાડી જશે” તેવી ધમકી આપી હતી.
ત્યાર બાદ ફરિયાદી યુવાન અને તેના પિતા કુણાલને મળવા ગયેલ હતા અને તેને કહ્યું હતું કે, તેના મિત્ર જયરાજને સમજાવે તે ખોટી રીતે તેઓને હેરાન કરે છે જેથી કુણાલે કહેલ કે હું જયરાજ સાથે વાત કરું છુ ત્યાર બાદ જયરાજ સાથે ફોનમા વાત કરી ફરિયાદી અને તેના પિતાને કહ્યું હતું કે, “તમારે જયરાજને દસ લાખ તો આપવા જ પડશે તે ગુંડો છે, તેનુ નક્કી નહી તે બોલે તે કરશે” જેથી ફરિયાદી યુવાનના પિતાને ડરના લીધે આઠ લાખ રૂપિયા બે દિવસમા ભેગા કરીને ઉમીયા સર્કલ પાસે જયરાજને આપવા જતા જયરાજે તે રૂપીયા કુણાલને આપી દેવાનુ કહ્યું હતું જેથી કરીને કુણાલને ફરિયાદી અને તેના પિતાએ આઠ લાખ રૂપિયા આપી દીધા હતા. અને બાકીના બે લાખ રૂપીયા પણ કુણાલને થોડા દિવસમા આપવાનુ કહ્યું હતું.
આ ઘટના બાદ રાહુલ જારીયા તથા કુણાલ ઓગણજાએ ફરિયાદી પાસેથી વ્યાજના વધુ રૂપીયાની માંગણી કરી હતી અને જેથી કરીને તેને રૂપીયા આપવા માટે ફરિયાદી મિલનભાઈ પકાભાઇ ફુલતરીયા પાસેથી નવેક મહીના પહેલા અવની ચોકડી પાસે પાંચ લાખ રૂપિયા 30 ટકા વ્યાજે લીધેલ હતા જેની સામે મિલનભાઈને 12.50 લાખ વ્યાજ સહીત આપી દીધેલ છે તો પણ ફરિયાદી પાસેથી 17 લાખ રૂપિયાની માંગણી કરવામાં આવી રહી છે. અને વ્યાજના રૂપીયા ટાઇમે નહી આપે તો જાનથી મારી નાખશે તેવી ધમકી આપે છે. આમ રાહુલ, કુણાલ અને મિલન ફરિયાદી પાસેથી વ્યાજના રૂપીયાની ઉઘરાણી કરતાં હતા જેથી કરીને ફરિયાદી માધવ જીલરીયા પાસેથી આઠેક મહીના પહેલા બે લાખ રૂપિયા 30 ટકાના વ્યાજે લીધેલ હતા જેની સામે માધવને પાંચ લાખ રૂપિયા આપી દીધેલ છે તો પણ ફરિયાદી પાસેથી વધુ ચાર લાખની માંગણી કરવામાં આવી રહી છે અને વ્યાજના રૂપીયા ટાઈમે ન આપે તો જાનથી મારી નાખશે તેવી ધમકી આપે છે.
ત્યાર બાદ રાહુલ, કુણાલ, મિલન અને માધવ વ્યાજના રૂપિયાની ઉઘરાણી કરતાં હતા જેથી કરીને કુણાલની ઓફીસે બેસતા તેના મિત્ર રાધે ડાંગર પાસેથી સાત મહીના પહેલા એક લાખ રૂપિયા 60 ટકાના વ્યાજે લીધેલ હતા. જેની સામે 70 હજાર રૂપિયા પાછા આપી દીધેલ છે તો પણ ફરિયાદી પાસેથી 2.50 લાખ રૂપિયાની માંગણી કરવામાં આવે છે અને વ્યાજના રૂપીયા ટાઈમે ન આપે તોજાનથી મારી નાખશે તેવી ધમકી આપે છે. આ વ્યાજખોરોના ડરના લીધે તેના પિતા હળવદ રહેવા માટે જતાં રહ્યા છે અને ફરિયાદીની માતાને માનસિક તકલીફ થઈ ગયેલ છે જેથી તે ફરિયાદીના માંમાંના ઘરે અમદાવાદ ખાતે રહેવા જતી રહેલ છે. અને આરોપી કુણાલ ઉર્ફે ભુરો ફરિયાદી પાસેથી તેના પિતાના રાજકોટ ટ્રીસ્ટ્રીક બેંક એકાઉન્ટના ત્રણ ચેક તથા ફરિયાદીના આઈ.ડી.એફ.સી. બેંક એકાઉન્ટના બે ચેક આમ કુલ મળીને પાંચ ચેક અને ફરિયાદીનો આઈ. ફોન ફીફટીન પ્રો મોબાઈલ ફોન બળજબરી કરીને લઈ ગયેલ છે. જેથી ભોગ બનેલા યુવાને હાલમાં ગેંગ બનાવીને વ્યાજના ચક્રમાં ફસાવીને યુવાન પાસેથી લાખો રૂપિયા પડાવનારા 6 શખ્સોની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે
