મોરબીમાં જમતા જમતા બેભાન થઈ ગયેલા યુવાનનું સારવારમાં મોત

વાંકાનેર તાલુકાના સરતાનપર રોડ ઉપર કારખાનના કવાર્ટરમાં રહેતો યુવાન જમતા જમતા બેભાન થઈ ગયો હતો જેથી તેને સારવાર માટે લઈને આવ્યા હતા અને ત્યાં સારવાર દરમ્યાન તેનું મોત નીપજયું હતું જે બનાવની મોરબી તાલુકા પોલીસને જાણ કરેલ છે.

જાણવા મળતી માહિતી મુજબ વાંકાનેર તાલુકાના સરતાનપર રોડ ઉપર ટીટી સેનેટરી ખાતે રહેતો ચંદન ઉર્ફે ચંદુકમાર પ્રભુભાઈ મહેતા (25) નામનો યુવાન ગત તા. 1/1/25 ના સાંજના સાડા સાત વાગ્યાના અરસામાં જમતો હતો ત્યારે અચાનક બેભાન થઈ ગયો હતો જેથી તેને મોરબીની સરકારી હોસ્પિટલ ખાતે લઈને આવ્યા હતા ત્યાં સારવાર દરમિયાન તેઓનું મોત નિપજ્યું હતું જેથી આ બનાવની હોસ્પિટલ મારફતે  વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે

અકસ્માતમાં ઇજા

મોરબીની મહેન્દ્રનગર ચોકડી પાસે નવા બનતા ઓવરબ્રિજ પાસે બાઈક અને આઇસર વચ્ચે અકસ્માતનો બનાવ બન્યો હતો જે બનાવમાં સુનિલકુમાર (32) રહે. શ્રદ્ધા પાર્ક વાવડી રોડ મોરબી વાળાને ઇજા થયેલ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરી છે