વાંકાનેરમાં વીજ કંપનીના કર્મચારીના ઘરમાંથી રોકડ-દાગીના મળીને 50,300 ના મુદામાલની ચોરી
Morbi Today
વાંકાનેરના રંગપર પાસે આવેલ સોમનાથ હોટલ બેઠેલા યુવાન સહિત બે વ્યક્તિ ઉપર ચાર શખ્સોએ કર્યો પાઇપ-ધોકા વડે હુમલો
SHARE
JOIN OUR GROUP
વાંકાનેરના રંગપર પાસે આવેલ સોમનાથ હોટલ બેઠેલા યુવાન સહિત બે વ્યક્તિ ઉપર ચાર શખ્સોએ કર્યો પાઇપ-ધોકા વડે હુમલો
વાંકાનેર ચોટીલા નેશનલ હાઈવે રોડ ઉપર રંગપર ગામ નજીક આવેલ સોમનાથ હોટલ યુવાન સહિતના બે વ્યક્તિ બેઠા હતા ત્યારે કારમાં ચાર શખ્સો ત્યાં આવ્યા હતા અને યુવાન તથા તેની સાથે બેઠેલા વ્યક્તિને ગાળો આપીને લોખંડના પાઇપ તથા ધોકા વડે હુમલો કર્યો હતો અને બંને વ્યક્તિઓને માથામાં મારમારીને ગંભીર ઈજા કરવામાં આવી હતી તેમજ જાનથી મારી નાખવાની ધમકી આપવામાં આવેલ હતી જેથી ભોગ બનેલા યુવાને સારવાર લીધા બાદ ચાર શખ્સોની સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે.
જાણવા મળતી માહિતી મુજબ વાંકાનેર તાલુકાના રંગપર ગામે રહેતા અને હોટલ તથા ટ્રાન્સપોર્ટનો ધંધો કરતા ગભરૂભાઇ રતાભાઇ સામળ (38)એ હાલમાં વાંકાનેર તાલુકા પોલીસ સ્ટેશન ખાતે સાદુભાઈ મેરાભાઇ લોહ, હીરાભાઈ કરણાભાઈ લોહ, પોલાભાઈ લાખાભાઈ લોહ અને રામાભાઇ ભીમસીભાઈ લોહ રહે બધા જાલીડા તાલુકો વાંકાનેર વાળાની સામે ફરિયાદ નોંધાવેલ છે જેમાં તેણે જણાવ્યુ છે કે, ફરિયાદી તથા સાહેદ તેની સોમનાથ હોટલ ખાતે હાજર હતા ત્યારે ચારેય આરોપીઓ સ્વીફ્ટ ગાડી નંબર જીજે 36 એસી 5056 લઈને ત્યાં આવ્યા હતા અને આરોપીઓએ ફરિયાદી યુવાનને ગાળો આપી હતી તેમજ સાદુલભાઇએ લોખંડના પાઇપ વડે ફરિયાદી યુવાનને માથામાં મારમારીને ઇજા કરી હતી તેમજ હીરાભાઈ અને પોલાભાઈએ લાકડી વડે મારમાર્યો હતો જ્યારે રામાભાઇએ સાહેદને માથાના ભાગે કપાળ ઉપર લાકડી વડે ઇજા કરી હતી તેમજ ફરિયાદી અને સાહેદને જાનથી મારી નાખવાની ધમકી આપેલ છે જેથી કરીને ભોગ બનેલા યુવાન સહિતના બંને વ્યક્તિઓને સારવારમાં લઈ ગયા હતા અને ત્યારબાદ તેણે નોંધાવેલ ફરિયાદ આધારે પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે.
