મોરબીના રાજપર (કુ) પાસે ગાડા માર્ગ ઉપરથી જામગરી બંદૂક સાથે એકની ધરપકડ

મોરબી તાલુકાના રાજપર (કુ) ગામની સીમમાં ગાડા માર્ગ ઉપરથી પસાર થયેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની એક જામગરી બંદૂક મળી આવી હતી જેથી કરીને 2000 રૂપિયાની કિંમતનું હથિયાર પોલીસે કબજે કર્યું હતું અને મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના રાજપર (કું) ગામની સીમમાં નાટડાપાટી તરીકે ઓળખાતા વિસ્તારમાં રસિકભાઈ પટેલની વાડી પાસેથી ગાડા માર્ગ ઉપરથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની એક જામગરી બંદૂક મળી આવતા પોલીસે 2000 રૂપિયાની કિંમતનું હથિયાર કબજે કર્યું હતું અને કરીમભાઈ ફુલુભાઈ લુણાઈ (45) રહે. ઉટબેટ સમપર તાલુકા મોરબી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

વરલી જુગાર

મોરબીના ભડીયાદ રોડે નજર બાગ રેલવે સ્ટેશન પાસે જાહેરમાં વરલી જુગારના આંકડા લેવામાં આવતા હોવાની હકીકત મળી હતી જેના આધારે સ્થાનિક પોલીસે ત્યાં રેડ કરી હતી ત્યારે સ્થળ ઉપરથી વરલી જુગારના આંકડા લેતા ઈરફાન રફીકભાઈ સમા (26) રહે. સોઓરડી વરિયાનગર મોરબી વાળો મળી આવતા પોલીસે તેની પાસેથી 1350 રૂપિયાની રોકડ કબજે કરી હતી અને બી ડિવિઝન પોલીસ સ્ટેશન ખાતે જુગાર ધારા હેઠળ ગુનો નોંધીને આગળની કાર્યવાહી કરેલ છે.