મોરબીના વાવડી ગામેથી થયેલ સગીરા અપહરણમાં આરોપીની ધરપકડ, ખોટી ઓળખ આપી હતી..!
SHARE
JOIN OUR GROUP
મોરબીના વાવડી ગામેથી થયેલ સગીરા અપહરણમાં આરોપીની ધરપકડ, ખોટી ઓળખ આપી હતી..!
મોરબી તાલુકાના નાની વાવડી ગામમાં રહેતા એક પરિવારની સગીરવયની દીકરીને લલચાવી ફોસલાવીને તેનું અપહરણ કરવામાં આવ્યું હતુ જેથી ભોગ બનનાર સગીરાના પરીવારજન દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે અપહરણ, દુષ્કર્મ અને પોકસો સહિતની કલમ હેઠળ ગુનો નોંધીને આરોપીની ધરપકડ કરીને સગીરાને શોધી કાઢેલ છે.
જાણવા મળતી વિગત મુજબ મોરબી તાલુકાના નાની વાવડી ગામે રહેતા પરિવારની સગીર વયની દિકરીનું અપહરણ કરવામાં આવ્યુ હતુ જેથી કરીને ભોગ બનનાર સગીરાના પિતા દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવીને જણાવ્યું હતું કે તેઓ જ્યારે ખેતરે કામે ગયા હતા ત્યારે તેઓની બે દીકરીઓ અને પુત્ર ઘરે એકલા હતા અને મોટી દીકરી બહાર વસ્તુ લેવા ગયેલ હોય ઘરે રહેલ સગીર વયની નાની દીકરીનું લલચાવી ફોસલાવીને બદકામ કરવાના ઇરાદે અપહરણ કરવામાં આવ્યુ હતુ જેતે સમયે ફરીયાદમાં અજય અશ્વિન સોલંકી રહે.મોરબી નામના શખ્સ સામે ફરિયાદ નોંધાવવામાં આવી હતી જેથી પોલીસે અપહરણ, દુષ્કર્મ અને પોકસો સહિતની કલમ હેઠળ ગુનો નોંધીને આરોપીને પકડવા માટે અને સગીરાને શોધવા માટે કવાયત શરૂ કરી હતી.
જોકે પોલીસ તપાસમાં ખૂલ્યું હતું કે, અગાઉ જ્યારે સગીરાના મોબાઈલમાંથી ઉપરોક્ત નામના ઇસમનો નંબર મળ્યો હતો ત્યારે સગીરાના પિતાએ તે નામ ધારણ કરના ઇસમના પિતાને બોલાવીને યુવકને સમજવા માટે કહ્યુ હતું. ત્યારે તેઓએ તેનું નામ અજય અશ્વિન સોલંકી જણાવેલ હોય જેતે સમયે તે નામે ફરિયાદ નોંધાવવામાં આવી હતી જોકે પોલીસ તપાસમાં તે શખ્સનું સાચુ નામ સંજય ઉર્ફે શિવમ દેવજી પરમાર (૨૧) રહે.કલ્યાણપર ગામ સહકારી મંડળીની પાછળ તાલુકો ટંકારા જીલ્લો મોરબીની ઉપરોકત અપહરણ, દુષ્કર્મ અને પોકસો સહિતની કલમ હેઠળ ધરપકડ કરવામાં આવેલ છે.
