ટંકારા-મોરબી તાલુકામાં દારૂની બે રેડ: 7 બોટલ દારૂ સાથે બે શખ્સ પકડાયા

ટંકારા તાલુકાના નેકનામ ગામની સીમમાં આવેલ મોરલા વાડીએ તેમજ મોરબીના નવલખી રોડે આવેલ ખાખરાળા નજીક દારૂની બે રેડ કરી હતી જેમાં કુલ મળીને 7 બોટલ દારૂ સાથે પોલીસે બે શખ્સોની ધરપકડ કરેલ છે અને સ્થાનિક પોલીસ સ્ટેશને ગુનો નોંધીને પોલીસે આગળની કાર્યવાહી હાથ ધરી છે.

જાણવા મળતી માહિતી મુજબ ટંકારા તાલુકાના નેકનામ ગામની સીમમાં આવેલ મોરલા વાડી વાડીમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની પાંચ બોટલો મળી આવી હતી જેથી પોલીસે 2810 ની કિંમતની દારૂની બોટલો કબજે કરી હતી અને આરોપી નરેન્દ્રસિંહ ઉર્ફે પિન્ટુ કનકસિંહ ઝાલા (38) રહે. શક્તિ માતાજીના મંદિર પાછળ નેકનામ ટંકારા વાળાની ધરપકડ કરી હતી અને તેની સામે ટંકારા તાલુકા પોલીસ સ્ટેશન ખાતે ગુનો નોંધી પોલીસ આગળની કાર્યવાહી હાથ ધરી છે

જયારે મોરબી તાલુકાના ખાખરાળા ગામની સીમમાંથી પીપળીયા રોડ ઉપર નકલંક ફાટક પાસેથી રિક્ષા પસાર થઈ રહી હતો તે રીક્ષા નંબર જીજે 10 ટીઝેડ 7692 રોકીને પોલીસે ચેક કરી હતી ત્યારે તેમાંથી દારૂની બે બોટલ મળી આવી હતી જેથી પોલીસે 1,122 ની કિંમતની દારૂની બોટલો તથા એક લાખ રૂપિયાની કિંમતની રીક્ષા આમ કુલ મળીને 1,01,122 ની કિંમતનો મુદ્દામાલ કબજે કર્યો હતો અને આરોપી હુસેનભાઇ હાજીભાઈ જામ (35) રહે. જોન્સનગર શેરી નં-11 લાતી પ્લોટ મોરબી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે.