મોરબી: ઘુંટુની સિમમાં સીરામીક યુનિટની પાછળ પાણીના ખાડામાંથી આધેડનો મૃતદેહ મળ્યો
Morbi Today
મોરબીના બેલા ગામની સીમમાંથી સગીરાનુ અપહરણ કરનાર બે પૈકી એકની ધરપકડ, મદદગારી કરનાર મામા ની શોધખોળ
SHARE
JOIN OUR GROUP
મોરબીના બેલા ગામની સીમમાંથી સગીરાનુ અપહરણ કરનાર બે પૈકી એકની ધરપકડ, મદદગારી કરનાર મામા ની શોધખોળ
મોરબી તાલુકાના જેતપર રોડ ઉપર આવેલા બેલા ગામની સીમમાં કારખાનામાં રહીને મજૂરી કામ કરતા પરિવારની સગીરાનું લલચાવી ફોસલાવી બદકામના ઇરાદે અપહરણ કરી જવામાં આવેલ હોય ભોગ બનેલ પરિવારે ફરિયાદ નોંધાવી હતી.જેથી મોરબી તાલુકા પોલીસે અપહરણ, દુષ્કર્મ, પોકસો સહિતની કલમો હેઠળ બે ઇસમોની સામે ફરિયાદ નોંધાવી હતી.આ બનાવમાં એકની ધરપતડ કવામાં આવેલ છે.
મોરબી તાલુકા પોલીસ સૂત્રોમાંથી મળતી માહિતી પ્રમાણે મોરબીના બેલા ગામની સીમમાં આવેલ કારખાનામાં રહીને મજૂરી કામ કરતા પરિવારની સગીરવયની દીકરીને લલચાવી ફોસલાવીને બદકામ કરવાના ઇરાદે ગત તા.૨૧-૧-૨૫ ના સાંજના સાતેક વાગ્યે અપહરણ કરી જવામાં આવેલ હોય સગીરાની ભાળ મેળવવા માટે પરિવારે દોડધામ કરી હતી.છતાં સગીરાનો કોઈ પતો લાગ્યો ન હતો.જેથી ભોગ બનેલ સગીરાના પરિવાર દ્વારા તે સમયે તાલુકા પોલીસમાં વિશાલ ગોવર્ધનભાઈ વર્મા રહે.મોવાસા મધ્યપ્રદેશ અને અશોક ગોરીલાલ વર્મા રહે.રાજગઢ મધ્યપ્રદેશ નામના બે ઈસમો સામે ફરિયાદ નોંધાવાતા પોલીસે અપહરણ, બળાત્કાર અને પોકસો સહિતની કલમો હેઠળ ઉપરોક્ત બંને સામે ફરિયાદ નોંધી હતી. જેની તપાસ દરમિયાન તાલુકા પોલીસ મથકના પીઆઇ એસ.કે.ચારેલ તથા સ્ટાફ દ્રારા હાલમાં વિશાલ ગોવર્ધનસિંગ વર્મા મેઘવાલ (ઉંમર ૧૯) રહે.મોવાસા તાલુકો ખુજનેર મધ્યપ્રદેશની ઉપરોક્ત ગુનામાં ધરપકડ કરેલ છે અને તેને આ કામમાં મદદગારી કરનાર તેના મામા અશોક ગોરીલાલ વર્માની પોલીસે શોધખોળ શરૂ કરી છે.
મારામારીમાં ઇજા
મોરબીની અણીયારી ચોકડી નજીક રહેતા બળવંતસિંહ ભગવતસિંહ ઝાલા નામના ૨૫ વર્ષીય યુવાનને જેતપરની કેનાલ પાસે મારામારીના બનાવમાં ઇજાગ્રસ્ત હાલતમાં અત્રે સિવિલ હોસ્પિટલે સારવાર માટે લાવવામાં આવ્યો હતો.ગઈકાલે સાંજે પાંચેક વાગ્યે થયેલ મારામારીના બનાવની તાલુકા પોલીસમાં જાણ કરવામાં આવતા તાલુકા પોલીસ મથકના નેહલબેન ખડિયા દ્વારા નોંધ કરી આગળની તપાસ શરૂ કરવામાં આવી છે.
વાહન અકસ્માતમાં ઇજા
મોરબી તાલુકાના ચકમપર ગામે બાઈક લઈને જતા સમયે ચકમપર નજીક થયેલ વાહન અકસ્માતના બનાવમાં ઇજાગ્રસ્ત હાલતમાં છગનભાઈ ગણેશભાઈ ડાભી (ઉમર ૪૫)અને ભીમજીભાઈ રવજીભાઈ કંજારિયા (ઉમર ૪૮) રહે.બંને શનાળા રોડ મોરબી ને અત્રેની ક્રિષ્ના હોસ્પિટલ ખાતે સારવાર માટે લાવવામાં આવ્યા હતા.બનાવને પગલે તાલુકા પોલીસ મથકના એમ.પી.ઝાલા દ્વારા નોંધ કરી અકસ્માત બનાવની આગળની તપાસ શરૂ કરાઈ હતી.
