હળવદની વડનગર સોસાયટીના મકાનમાં જુગાર રમતા 6 શખ્સ પકડાયા: ઘરધણીની શોધખોળ

હળવદમાં આવેલ વડનગર સોસાયટીમાં રહેણાંક મકાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી 6 શખ્સો જુગાર રમતા મળી આવ્યા હતા તેની પાસેથી પોલીસે 78,600 ની રોકડ કબજે કરી હતી જો કે, ઘરધણી હાજર મળી આવેલ ન હોય પોલીસે કુલ 7 શખ્સોની સામે ગુનો નોંધીને આગળની કાર્યવાહી કરેલ છે

મોરબી જિલ્લા એલસીબીની ટીમ પેટ્રોલિંગમાં હતી ત્યારે હળવદમાં આવેલ વડનગર સોસાયટીમાં રહેતા હકાભાઇ રબારીના રહેણાંક મકાનમાં જુગાર રમતા હોવાની ચોક્કસ હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી પ્રવીણભાઈ ઉર્ફે પીટર લીંબાભાઇ કરોતરા (42) રહે. જુના પોલીસ સ્ટેશન સામે હળવદ, સુરેશભાઈ સીધાભાઈ ભદ્રેસીયા (36) રહે. પંચમુખી ઢોરો હળવદ, જયંતીભાઈ મનજીભાઈ ચાવડા (28) રહે. કૃષ્ણનગર સોસાયટી હળવદ, ચેતનભાઇ પ્રેમજીભાઈ કરોતરા (26) રહે, જૂના પોલીસ સ્ટેશન સામે હળવદ, ભરતભાઈ રાઘવજીભાઈ કારોલીયા (49) રહે. આનંદ પાર્ક હળવદ અને અશ્વિનભાઈ રમેશભાઈ નિમ્બાર્ક (71) રહે. ગ્રીનપાર્ક સોસાયટી હળવદ વાળા જુગાર રમતા મળી આવ્યા હતા જેથી પોલીસે તેઓની પાસેથી 78,600 ની રોકડ કબજે કરી હતી જોકે, જુગારની રેડ કરવામાં આવી હતી ત્યારે ઘરધણી હકાભાઇ કરમણભાઇ રબારી રહે. વડનગર સોસાયટી હળવદ વાળા હાજર ન હોય તેના સહિત કુલ 7 શખ્સો સામે હળવદ તાલુકા પોલીસ સ્ટેશન ખાતે ગુનો નોંધાયો છે અને ઘરધણીને પકડવા માટે થઈને તજવીજ હાથ ધરવામાં આવી છે.

વરલી જુગાર

મોરબીના જાંબુડીયા નજીક આવેલ ઓવરબ્રિજ નીચેના ભાગમાં વરલી જુગારના આંકડા લેવામાં આવતા હતા ત્યાં જુગારની રેડ કરવામાં આવી હતી ત્યારે સ્થળ ઉપરથી કિરીટભાઈ મનસુખભાઈ સોલગામા (56) રહે. જાંબુડીયા વાળો વરલીના આંકડા લેતા મળી આવ્યો હતો જેથી 480 ની રોકડ કબજે કરીને તેની ધરપકડ કરી હતી અને મોરબી તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.