વાંકાનેર એસટી ડેપોની મુલાકાત લેતા રાજ્યસભાના સાંસદ કેશરીદેવસિંહજી ઝાલા
Morbi Today
મોરબીના મહેન્દ્રનગર નજીક ટીસીમાંથી શોર્ટ લાગતાં અજાણ્યા યુવાનનું મોત
SHARE
JOIN OUR GROUP
મોરબીના મહેન્દ્રનગર નજીક ટીસીમાંથી શોર્ટ લાગતાં અજાણ્યા યુવાનનું મોત
મોરબીના મહેન્દ્રનગર ગામની સીમમાં આવેલ ટીંબાવાડી વિસ્તારમાં ટીસી પાસે કોઈપણ કારણોસર ઇલેક્ટ્રીક શોર્ટ લાગવાના કારણે કોઈ અજાણ્યા યુવાનનું મોત નીપજ્યું હતું જેથી તેના મૃતદેહને પીએમ માટે હોસ્પિટલે લઇ ગયા હતા અને આ બનાવની બી ડિવિઝન પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને મૃતક યુવાનની ઓળખ મેળવવા માટે થઈને તજવીજ હાથ ધરવામાં આવી છે.
બનાવની જાણવા મળતી માહિતી પ્રમાણે મોરબી નજીકના મહેન્દ્રનગર ગામે પટેલનગરમાં રહેતા જગદીશભાઈ બેચરભાઈ કાવર (56)એ મોરબી બી ડિવિઝન પોલીસ સ્ટેશન ખાતે જાણ કરી હતી કે મહેન્દ્રનગર ગામની સીમમાં તેઓની વાડી પાસે ટીંબાવાડી વિસ્તારમાં આવેલ ટીસી (ટ્રાન્સફોર્મર) પાસે કોઈ અજાણ્યા યુવાનને ઇલેક્ટ્રીક શોર્ટ લાગવાના કારણે તે યુવાનનું મોત નીપજ્યું છે જેથી કરીને સ્થળ ઉપર મૃત્યુ પામેલા અજાણ્યા 30 વર્ષના યુવાનના મૃતદેહને પીએમ માટે હોસ્પિટલ લઈ ગયા હતા અને ત્યારબાદ આ બનાવની બી ડિવિઝન પોલીસે નોંધ કરીને મૃતક યુવાનની ઓળખ મેળવવા માટે થઈને હાલમાં તજવીજ હાથ ધરવામાં આવી છે
મહિલા સારવારમાં
મોરબીમાં રહેતા રીંકલબેન કિશનભાઈ (29) નામની મહિલાને પાડોશીએ પેટના ભાગે લાત મારતા તેને ઇજા થયેલ હતી જેથી તેને સારવાર સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસ આગળની કાર્યવાહી હાથ ધરી છે
વાહન અકસ્માતમાં ઇજા
અજમેરના રહેવાસી સિકંદરભાઈ હાસીમભાઈ કટાર (37)ને મોરબીના માળિયા ફાટક પાસે આવેલ ઓવરબ્રિજ નજીક વાહન અકસ્માતના બનાવમાં ઈજા થઇ હોવાથી સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની બી ડિવિઝન પોલીસને જાણ કરવામાં આવી હતી
મારામારીમાં ઇજા
મોરબીમાં પાડા પુલ નીચેના ભાગમાં રહેતા ભાનુભાઈ બાબુભાઈ વાઘેલા (35)ને ઝઘડો મારામારીમાં ઈજા થઈ હોવાથી ઇજા પામેલા યુવાનને સારવાર માટે મોરબી સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
