મોરબીના રાજપર ગામે રીક્ષા પાર્ક કરી પાછળની સીટમાં સુતેલ યુવાન ઉઠયો જ નહીં
SHARE
JOIN OUR GROUP
મોરબીના રાજપર ગામે રીક્ષા પાર્ક કરી પાછળની સીટમાં સુતેલ યુવાન ઉઠયો જ નહીં
લીલાપરના પુલ પર બાઈક અને કાર અથડાતા યુવાનને ઈજા
મોરબી તાલુકાના રાજપર ગામે રીક્ષા પાર્ક કરીને પાછળની સીટમાં સુતેલ યુવાન ઉઠયો જ ન હતો અને તેનું મોત નિપજતા તાલુકા પોલીસે તપાસ શરૂ કરી હતી. મુળ વાંકાનેરના રાતીદેવડી ગામના અને હાલ ધ્રોલ રહેતા શકિતસિંહ વિક્રમસિંહ ઝાલા (ઉ.43) નામના યુવાન રીક્ષા ચલાવવાનું કામ કરતા હોય રાજપર ગામે હોસ્પિટલના ગેઈટ પાસે રીક્ષા સાઈડમાં પાર્ક કરીને પાછળની સીટમાં સુતા હતાજો કે બાદમાં તેઓ ઉઠયા જ ન હતા અને તેમનું મોત નિપજયું હતું. તાલુકા સ્ટાફના એમ.પી. ઝાલાએ આગળની તપાસ કરી હતી. જયારે ધરમપુર ટીંબડી ગામ વચ્ચેથી બાઈક લઈને જતા સમયે અચાનક કુતરૂ આડુ ઉતરતા વાહન સ્લીપ થતા મુળુભાઈ ખોડાભાઈ મિયાત્રા (69) રહે. શનાળા રોડને સારવાર માટે લઈ જવાયા હતા.
બાઈક-કાર અકસ્માત
મચ્છુ-2 ડેમ પાસે લીલાપર ગામ નજીક પુલ ઉપર બાઈક કારની સાથે અથડાયું હતું. આ બનાવમાં કાનજી મહેશભાઈ અદગામા (20) રહે. ઘુંટુને ઈજા થતા સારવાર માટે શિવમ હોસ્પીટલે લઈ જવાયો હતો.
પોલીસના જણાવ્યા પ્રમાણે પુલ ઉપર ગાય હોય બાઈક સવાર કાનજીભાઈએ રોંગ સાઈડમાં વાહન ચલાવેલ જે સામેથી આવતી કાર સાથે અથડાતા અક્સ્માત બનાવ બન્યો હતો. જયારે દરીયાલાલ હોટલ પાસે સર્વિસ રોડ ઉપર અજાણ્યા વાહનના ચાલકે બાઈકને પાછળથી હડફેટે લેતા ભીખુરામ નાગરદાસ (35) રહે. રફાળેશ્વર સારવાર માટે ખસેડાયો હતો.
મહિલા સારવારમાં
ટંકારાના લજાઈ ગામના હંસાબેન ચતુરભાઈ કોટડીયા (57) બાઈકમાંતી પડી જતા અત્રેની સદભાવના હોસ્પિટલે સારવાર માટે લવાયા હતા. તેમજ કંડલા હાઈવે ઉપર બાઈક સ્લીપ થઈ જતા શામજીભાઈ પોપટભાઈ પરમાર (67) રહે. વિદરકા ઈજા થતા સારવારમાં ખસેડાયા હતા. જયારે ટંકારા વીરપર પાસે કારખાનામાં ગળેફાંસો ખાવા પ્રયાસ કરનાર અભિષેકકુમાર (ઉ.33)ને સિવિલે લાવવામાં આવ્યો હતો. તેમજ પાંચસ રોડે નાલા નજીક દુધની ડેરી સામે બાઈક સાથે કોઈ પ્રાણી અથડાતા અશોકભાઈ ઠાકરશીભાઈ સવાડીયાને સારવાર માટે દવાખાને લઈ જવાયા હતા પોલીસે નોંધ કરી તપાસ કરી હતી
