મોરબીના ધૂળકોટ નજીકથી જામગરી બંદૂક સાથે એક શખ્સ ઝડપાયો

મોરબી તાલુકાના ધૂળકોટ સીમમાં ખાનપર તરફ જવાના રસ્તા ઉપર આવેલ મેલડી માતાજીના મંદિર પાસે બાવળની કાંઠમાં પોલીસે રેડ કરી હતી ત્યારે સ્થળ ઉપરથી દેશી બનાવટની એક જામગરી બંદૂક સાથે એક શખ્સ મળી આવ્યો હતો જેથી કરીને પોલીસે 1500 રૂપિયાનું હથિયાર કબજે કરી આરોપીની ધરપકડ કરી હતી અને તેની સામે તાલુકા પોલીસ સ્ટેશન ખાતે ગુનો નોંધાયો છે

મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના ધૂળકોટ ગામની સીમમાં ખાનપર ગામ તરફ જવાના રસ્તા ઉપર આવેલ ખરાબાની જગ્યામાં મેલડી માતાજીના મંદિરની પાસે બાવળની કાંટમાં રેડ કરી હતી ત્યારે ત્યાં સ્થળ ઉપરથી દેશી બનાવટની એક જામગીરી બંદૂક સાથે એક શખ્સ મળી આવ્યો હતો જેથી પોલીસે 1500 રૂપિયાની કિંમતના હથિયાર સાથે આરોપી ગફારભાઈ સુલેમાનભાઈ મોરી (53) રહે. ટાટા નગર બજરંગ હોટલની પાસે ધુળકોટ વાળાની ધરપકડ કરેલ છે અને તેની સામે તાલુકા પોલીસ સ્ટેશન ખાતે આર્મ્સ એક્ટ મુજબ ગુનો નોંધાયો છે

બે બોટલ દારૂ

ટંકારા અમરાપર રોડ ઉપર આવેલ ગેસ એજન્સી પાસેથી રસ્તા ઉપરથી બાઈક નંબર જીજે 20 બીડી 2690 લઈને એક શખ્સ પસાર થઈ રહ્યો હતો જેને રોકીને પોલીસે ચેક કરતા તેની પાસેથી દારૂની બે બોટલ મળી આવી હોય પોલીસે 2200 રૂપિયાની કિંમતની દારૂની બોટલ તથા 20 હજાર રૂપિયાની કિંમતનું વાહન આમ કુલ મળીને 22,200 ની કિંમતના મુદ્દામાલ સાથે વિપુલભાઈ સોમાભાઈ ડામોર (29) રહે, હરબટીયાળી ગામ કાંતિભાઈ પટેલની વાડીએ ઓરડીમાં ટંકારા મૂળ રહે દાહોદ વાળાની ધરપકડ કરી હતી અને તેની સામે ટંકારા પોલીસ સ્ટેશન ખાતે ગુનો નોંધાયો છે