મોરબીના રંગપર નજીક બંધ પડેલા કારખાનામાં પતરા-કેચીનું કટીંગ કરતાં સમયે ઉપરથી નીચે પડેલા યુવાનનું મોત

મોરબીના રંગપર ગામની સીમમાં આવેલ બંધ પડેલા કારખાનામાં પતરા અને કેચીનું કટીંગ કરતો યુવાન 25 ફૂટ ઉપરથી નીચે પટકાયો હતો જેથી તેને માથામાં અને શરીરે ગંભીર ઇજાઓ થઈ હતી જેથી તેને સારવાર માટે હોસ્પિટલે લઈને આવ્યા હતા અને ત્યાં સારવાર દરમિયાન તે યુવાનનું મોત નીપજયું હતું જે બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મોરબીના વીસીપરામાં આવેલ ભવાનીનગર વિસ્તારમાં રહેતો વિક્રમભાઈ પરસોતમભાઈ પાટડીયા (35) નામનો યુવાન મોરબીના જેતપર રોડ ઉપર આવેલ રંગપર ગામની સીમમાં સોમનાથ પેટ્રોલ પંપની સામેના ભાગમાં બંધ પડેલા લુકાસો સીરામીક કારખાનામાં રાત્રિના સમય દરમિયાન પતરાં અને કેચી કટીંગ કરવાનું કામ કરતો હતો ત્યારે 25 ફૂટ ઊંચી દિવાલ ઉપરથી તે યુવાન નીચે પટકાયો હતો જેથી તે યુવાનને માથામાં અને શરીરે ગંભીર ઇજા થઈ હોવાથી તે યુવાને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ ખાતે લઈ જવામાં આવ્યો હતો અને ત્યાં ચાલુ સારવાર દરમિયાન તે યુવાનનું મોત નીપજયું હતું જેથી હોસ્પિટલ મારફતે અકસ્માત મૃત્યુના આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ કરી હતી.