વાંકાનેરના જોધપર પાસે જેસીબીના ચાલકે રિક્ષાને ટક્કર મારતા સર્જાયેલ અકસ્માતમાં એક તરૂણીનું મોત: 4 ને ઇજા

વાંકાનેરના જોધપર ગામ નજીક નવા બનતા પેટ્રોલ પંપ સામેથી યુવાન પોતાની રિક્ષા લઈને પસાર થઈ રહ્યો હતો ત્યારે જેસીબીના ચાલકે રિક્ષાનું કાવું મારવા જતા સમયે રીક્ષાને સાઈડમાંથી હડફેટ લીધી હતી જેથી કરીને રીક્ષા પલટી મારી ગઈ હતી જે બનાવમાં રીક્ષા ચાલક તથા તેના બહેન સહિત કુલ 5 વ્યક્તિઓને ઇજાઓ થઈ હતી જેમાં રીક્ષા ચાલકના બહેનને માથા અને શરીરે ગંભીર ઇજા થઈ હોવાથી તેનું મોત નીપજ્યું હતું. આ બનાવ સંદર્ભે રીક્ષા ચાલકે નોંધાવેલ ફરિયાદ આધારે પોલીસે જેસીબીના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

વાંકાનેરના કોઠી ગામે રહેતા અને રીક્ષા ડ્રાઇવિંગનું કામ કરતાં કાનાભાઈ નાગજીભાઈ ચાવડા (22) એ હાલમાં જેસીબી નંબર જીજે 13 એડી 2109 ના ચાલક સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે, વાંકાનેર તાલુકાના જોધપર ખારી પુલ નજીક નવા બનતા પેટ્રોલ પંપની સામેના ભાગમાંથી તેઓ પોતાની સીએનજી રીક્ષા નંબર જીજે 3 બીયુ 7319 લઈને વાંકાનેર થાન ચોકડી પાસે આવેલ હેમપેન્ટ કારખાનેથી કોઠી ગામ તરફ જઈ રહ્યા હતા ત્યારે પેટ્રોલ પંપ નજીક જેસીબીના ચાલકે પોતાનું વાહન બેફીકરાયથી ચલાવીને ફરિયાદીની રિક્ષાનું કાવું મારીને રીક્ષાને સાઈડમાંથી હડફેટે લીધી હતી જેથી કરીને રીક્ષા પલટી મારી ગઈ હતી અને આ બનાવમાં ફરિયાદી તથા તેના બહેન રેખાબેન તેમજ તેઓના કૌટુંબિક બહેન આરતીબેન અને માનસીબેનને શરીરે નાના મોટી ઈજાઓ થઈ હતી જો કે, સોનલબેનને ફ્રેક્ચર અને ફરિયાદીના બહેન રેખાબેન (15) ને માથાના ભાગે ગંભીર ઇજા થઈ હોવાથી તેનું મોત નીપજ્યું હતું જે બનાવ સંદર્ભે હાલમાં મૃતક મહિલાના ભાઈએ નોંધાવેલ ફરિયાદ આધારે પોલીસે જેસીબીના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે