મોરબીના રંગપર ગામ પાસે ટ્રક ટ્રેલરના ચાલકે હડફેટે માથા-મોઢામાં ઇજા પામેલા યુવાનનું મોત
SHARE
JOIN OUR GROUP
મોરબીના રંગપર ગામ પાસે ટ્રક ટ્રેલરના ચાલકે હડફેટે માથા-મોઢામાં ઇજા પામેલા યુવાનનું મોત
મોરબીના જેતપર રોડ ઉપર રંગપર ગામ નજીક કારખાના પાસેથી પસાર થઈ રહેલા યુવાન અને ટ્રક ટ્રેલરના ચાલકે હડફેટે લેતા યુવાનને માથા અને મોઢાના ભાગે ગંભીર ઇજા થઈ હતી જેથી કરીને અકસ્માતના બનાવમાં ઇજા પામેલા યુવાનનું મોત નીપજયું હતું અને આ બનાવ સંદર્ભે હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
મોરબીના જેતપર રોડ ઉપર આવેલ રંગપર ગામ પાસે વેન્ટો સિરામિક કારખાનાના લેબર કવાર્ટરમાં હાલ રહેતા અને મૂળ ઝારખંડના રહેવાસી શુકરમની તુબિડ દુર્ગા તુબિડ (29)એ મોરબી તાલુકા પોલીસ સ્ટેશન ખાતે ટ્રક ટ્રેલર નંબર જીજે 3 બીડબલ્યુ 4433 ના ચાલક સામે ફરિયાદ નોંધાવેલ છે જેમાં જણાવ્યુ છે કે, મોરબીના જેતપર રોડ ઉપર આવેલ પેરોક્ષ કારખાના પાસેથી ટ્રક ટ્રેલરનો ચાલક પોતાના હવાલા વાળું વાહન લઈને જઈ રહ્યો હતો ત્યારે ફરિયાદીના પતિ દુર્ગા તુબિડ (34) ને હડફેટે લેતા અકસ્માતનો બનાવ બન્યો હતો જે બનાવમાં ફરિયાદીના પતિને માથામાં અને મોઢાના ભાગે ગંભીર ઇજા થઈ હતી જેથી તેનું મોત નીપજ્યું હતું અને અકસ્માત મૃત્યુના બનાવ સંદર્ભે મૃતક યુવાનના પત્નીએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે
