મોરબી કાપડ મહાજન-રેડીમેઇડ ગારમેન્ટ એસો. દ્વારા જીએસટી વધારવાના નિર્ણયનો વિરોધ
Morbi Today
મોરબી જીલ્લામાં સરકારી લો કોલેજ ચાલુ કરવા પી.ડી.માનસેતાએ મંત્રીને કરી રજૂઆત
SHARE
JOIN OUR GROUP
મોરબી જીલ્લામાં સરકારી લો કોલેજ ચાલુ કરવા પી.ડી.માનસેતાએ મંત્રીને કરી રજૂઆત
મોરબી જીલ્લામાં હાલમાં બે પ્રાઇવેટ લો કોલેજ કાર્યરત છે જો કે, સરકારી લો કોલેજ નથી જેથી મોરબીના રઘુવંશી એજ્યુકેશન સોશિઅલ ગ્રૂપ પ્રમુખ દ્વારા આ મુદે યોગ્ય કાર્યવાહી કરવા માટે રાજ્યના પંચાયત વિભાગના મંત્રીની રજૂઆત કરવામાં આવી છે અને તાત્કાલિક સરકારી લો કોલેજ ચાલુ કરવામાં આવે તેવી માંગ કરવામાં આવી છે.
મોરબીના રઘુવંશી એજ્યુકેશન સોશિઅલ ગ્રૂપ પ્રમુખ પી.ડી. મનસેતાએ હાલમાં મોરબી માળિયા વિસ્તારના ધારાસભ્ય અને ગ્રામ પંચાયત મંત્રી બ્રિજેશભાઈ મેરજાને લેખિતમાં રજૂઆત કરીને મોરબી જીલ્લામાં સરકારી લો કોલેજ શરૂ કરવા માંગણી કરેલ છે જેમાં તેને જણાવ્યુ છે કે, મોરબી જીલ્લો બન્યો તેને આશરે આઠ વર્ષ થયા છે અને મોરબી જીલ્લામાં વકીલ બનવા માટે વકીલાતનો અભ્યાસ કરવો પડે છે અને આ જીલ્લામાં એલએલબીનો અભ્યાસ કરવા માટે હાલ ગર્વમેન્ટ-સરકારી લો કોલેજ નથી પરંતુ પ્રાઇવેટ બે લો કોલેજ કાર્યરત છે અને તેમા અભ્યાસ કરનાર વિધાર્થીઓએ લોના પુસ્તકોથી લઇને મોટી ફી ભરવી પડે છે.
મોરબી જીલ્લામાં મોરબી સીટી ઉપરાંત તાલુકાઓના તેમજ ગામડેથી આવવા જવા માટે મોટો ખર્ચ થાય છે. જે દરેક વિધાર્થીઓને તેમજ તેમના વાલીઓને પરવડે તેમ નથી જેથી નાના ગરીબ, મધ્યમ વર્ગના વિધાર્થીઓ માટે જીલ્લામાં સરકારી લો કોલેજ ચાલુ થાય તે જરૂરી છે અને મોરબી જીલ્લામાં નવું અઘતન કોર્ટ બીલ્ડીંગ શનાળા પાસે બનાવવાનું છે તે માટેની જગ્યા પણ નકકી થઇ ગયેલ છે તેમજ સરકારી મેડીકલ કોલેજનું પણ અઘનત બિલ્ડીંગ બનાવવાનું છે તેની સાથે નવી સરકારી લો કોલેજ પણ જીલ્લામાં કાર્યરત થાય તેવી તેઓએ માંગ કરી છે.
વધુમાં તેઓએ મંત્રીની જણાવ્યુ છે કે, ૧૯૭૯ માં હોનારત પહેલા હાલમાં જયા જી.જે. શેઠ કોમર્સ કોલેજ ચાલુ છે ત્યાં નજરબાગ ભડીયાદ રોડ પાસે એન.જી. મહેતા હાઈસ્કૂલમાં પ્રથમ સરકારી લો કોલેજ કાર્યરત હતી ત્યાર બાદ તે બંધ થઇ ગયેલ છે જેથી મોરબી અને ગામડાના યુવાનોને રાજકોટ એલ.એલ.બી.નો અભ્યાસ કરવો પડતો હતો ત્યારે મોરબી જીલ્લાના વિદ્યાર્થીઓએ હેરાન ન થાય તે માટે અને ખોટા ખર્ચાઓ ન કરવા પડે તે હેતુથી સરકારી લો કોલેજને તાત્કાલિક શરૂ કરવાં આવે તે જરૂરી છે.
