મોરબીના નવા જાંબુડિયા ગામે માવતરના ઘરે રિસામણે બેઠેલ પરિણીતાએ કર્યો આપઘાત

મોરબીના નવા જાંબુડીયા ગામે માવતરના ઘરે છેલ્લા 10 મહિનાથી રિસામણે બેઠેલ પરિણીતાએ કોઈ કારણોસર તેના પિતાના ઘરે ગળાફાંસો ખાઈને આપઘાત કરી લીધો હતો જેથી કરીને તેનું મોત નીપજયું હતું ત્યાર બાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની તાલુકા પોલીસને જાણ કરવામાં આવી હતી.

મોરબી નજીકના નવા જાંબુડીયા ગામે શક્તિપરામાં રહેતા શીતલબેન કાંતિભાઈ ફિસડીયા (19) નામની પરણીતાએ ગઈકાલે પોતાના પિતાના ઘરે ગળાફાંસો ખાઈ લીધો હતો જેથી કરીને તેનું મોત નીપજયું હતું ત્યાર બાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી. વધુમાં પોલીસ પાસેથી મળતી વિગત પ્રમાણે છેલ્લા દસેક મહિનાથી પરણીતા રિસામણે બેઠેલ હતી અને તેણીનો લગ્ન ગાળો એક વર્ષનો છે દરમિયાન તેને આ પગલું ભરી લેતા પોલીસે બનાવની નોંધ કરી આગળની કાર્યવાહી હાથ ધરી છે.

6 બોટલ દારૂ સાથે પકડાયો

મોરબીના ગોકુલનગર પાસે આવેલ લાયન્સનગર સરકારી શાળા પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની નાની છ બોટલો મળી આવી હતી જેથી પોલીસે 720 રૂપિયાની કિંમતનો દારૂનો જથ્થો કબજે કર્યો હતો અને રાજ હરેશભાઈ ડાભી (25) રહે. સનાળા બાયપાસ ગોકુલનગર મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધાયો છે