મોરબીના ઘોડાધ્રોય ડેમમાંથી માટી કાઢવાનો કોન્ટ્રાક્ટ રાખનારા વૃદ્ધને ધોકા વડે માર માર્યો

મોરબીના ખરેડા ગામ પાસે આવેલ ડેમમાંથી માટી કાઢવાનો કોન્ટ્રાક્ટ રાખનારા વૃદ્ધ સાથે કામ બાબતનું મન દુઃખ રાખીને ગાળો આપવામાં આવી હતી અને ત્યાર બાદ ઢીકાપાટું અને લાકડાના ધોકા વડે માર મારીને શરીરે ઇજા કરવામાં આવી હતી જેથી ઇજાગ્રસ્ત વૃદ્ધને સારવાર માટે હોસ્પિટલે લઈ ગયા હતા અને ત્યારબાદ તેમણે નોંધાવેલ ફરિયાદ આધારે હાલમાં મોરબી તાલુકા પોલીસ સ્ટેશન ખાતે ગુનો નોંધી પોલીસે આરોપીને પકડવા માટે તજવીજ શરૂ કરેલ છે

મોરબીના આલાપ રોડ ઉપર રહેતા ખોડીદાસભાઈ અણદાભાઈ થડોદા (63)એ હાલમાં મોરબી તાલુકા પોલીસ સ્ટેશન ખાતે મહેશભાઈ માવજીભાઈ ડાભી રહે. ખરેડા વાળાની સામે ફરિયાદ નોંધાવે છે જેમાં તેમણે જણાવ્યું છે કે તેઓએ ખરેડા ગામ પાસે આવેલ ઘોડાધ્રોય ડેમમાંથી માટી કાઢવા માટેનો કોન્ટ્રાક્ટ રાખેલ છે અને કામકાજ બાબતનું મન દુઃખ રાખીને આરોપીએ ઘોડાધ્રોય  ડેમના કાંઠે કાનજીભાઈ રેવાભાઇની વાડી નજીક ગાળો આપી હતી અને ત્યારબાદ ઢીકાપાટુનો માર મારીને લાકડાના ધોકા વડે ડાબા હાથમાં અને શરીરે ઇજાઓ કરી હતી જેથી ઇજા પામેલા વૃદ્ધને સારવાર માટે હોસ્પિટલે લઈ ગયા હતા અને ત્યારબાદ તેઓએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.