મોરબી જિલ્લામાં કપાસ ક્રાંતિ યોજના હેઠળ સહાય મેળવવા ખેડૂતો ઓનલાઈન અરજી કરી શકશે
Morbi Today
મોરબીમાં ગુજસીટોકના આરોપીઓ-હિસ્ટ્રી શીટરોના ઘરોમાં પોલીસની 25 જેટલી ટીમો દ્વારા ચેકિંગ
SHARE
JOIN OUR GROUP
મોરબીમાં ગુજસીટોકના આરોપીઓ-હિસ્ટ્રી શીટરોના ઘરોમાં પોલીસની 25 જેટલી ટીમો દ્વારા ચેકિંગ
મોરબીમાં અષાઢી બીજના દિવસે રથયાત્રા યોજાતી હોય છે અને રથયાત્રાનો પર્વ શાંતિપૂર્ણ માહોલની અંદર યોજાઇ તે માટે તેને મોરબી શહેરના કાલિકા પ્લોટ વિસ્તારમાં પોલીસ દ્વારા કોમ્બિંગ કરવામાં આવ્યું હતું ત્યારે ગુજસીટોકના આરોપીઓ, હિસ્ટ્રી શીટરો તથા ગંભીર ગુનામાં સંડોવાયેલા આરોપીઓના ઘરને ચેક કરવામાં આવ્યા હતા. ત્યારે પોલીસની 25 જેટલી ટીમોને કામે લગાડવામાં આવી હતી. જો કે, કોઈપણ જગ્યાએથી કોઈ હથિયાર કે અન્ય કોઈ વસ્તુઓ મળી આવેલ નથી તેવી માહિતી ડીવાયએસપી દ્વારા આપવામાં આવી હતી.
થોડા સમય પહેલા માળિયા મિયાણાં વિસ્તારમાં પોલીસ દ્વારા એકી સાથે જુદી જુદી ટીમોને મેદાનમાં ઉતારીને હિસ્ટ્રી શીટરો તથા ગુનેગારોને ત્યાં ચેકિંગ કરવામાં આવ્યું હતું ત્યારે મોટા પ્રમાણમાં હથિયારો મળી આવ્યા હતા. દરમિયાન આગામી રથયાત્રાને ધ્યાનમાં રાખીને મોરબી શહેરમાં આવેલ કાલિકા પ્લોટ વિસ્તારમાં કોમ્બિંગનું આયોજન કરવામાં આવ્યું હતું અને રેન્જ આઇજી ચિરાગ કોરડીયા તથા એસપી મુકેશ પટેલની સૂચના મુજબ ડીવાયએસપી કે.પી.પરમારની આગેવાની હેઠળ 10 જેટલા પીઆઇ અને 200 જેટલા કર્મચારીઓ દ્વારા કાલિકા પ્લોટ વિસ્તારમાં કોમ્બિંગ કરવામાં આવ્યું હતું ત્યારે ગુજસીટોકના ગુનામાં સંડોવાયેલા 14 આરોપીઓ, હિસ્ટ્રી શીટરો, આર્મ્સ એક્ટમાં સંડોવાયેલા આરોપીઓના ઘરે ચેકિંગ કરવામાં આવ્યું હતું ઉપરાંત 17 એમસીઆર કાર્ડ વાળા આરોપી અને 16 શંકાસ્પદ શખ્સોને ચેક ચેક કરવામાં આવ્યા હતા આ ઉપરાંત 20 અવાવરું જગ્યાએ પણ ચેકિંગ કર્યું હતું જોકે, કોઈ સ્થળેથી હથિયાર કે અન્ય કોઈ શંકાસ્પદ વસ્તુઓ મળી આવેલ નથી અને આગામી અષાઢી બીજના દિવસે મોરબીમાં યોજાનાર યાત્રાનો પર્વ શાંતિપૂર્ણ માહોલમાં યોજાય તે માટે આ કોમ્બિંગ કરવામાં આવ્યું હતું અને આગામી સમયમાં અન્ય વિસ્તારમાં આવી જ રીતે કોમ્બિંગ કરવામાં આવશે. તેવી અધિકારી જણાવ્યુ હતું.
