મોરબીના બેલા (આ) ગામે નજીવી વાતમાં વાળ પકડીને યુવાનનું દિવાલમાં માથું અથડાવ્યૂ

મોરબીના બેલા (આ) ગામે રહેતા યુવાનને કામે આવવા બાબતે ગાળો આપવામાં આવી હતી ત્યારબાદ ઢીકાપાટુનો માર માર્યો હતો અને માથાના વાળ તેમજ કાંઠલો પકડીને બજાર તથા દિવાલમાં માથું અથડાવીને જમણી આંખની નેણ ઉપર ઇજા કરી હતી જેથી ઇજા પામેલા યુવાને સારવાર લીધા બાદ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

મોરબીના બેલા (આ) ગામે રહેતા આરીફભાઈ હાજીભાઈ સમા (25) એ મોરબી તાલુકા પોલીસ સ્ટેશન ખાતે ઈકબાલ ઉમરભાઈ જામ રહે. બેલા (આ) વાળાની સામે ફરિયાદ નોંધાવેલ છે જેમાં તેને જણાવ્યું છે કે ફરિયાદી પોતાના ઘર પાસે શેરીમાં હતો ત્યારે આરોપીએ ત્યાં આવીને ફરિયાદીને કામે આવવા બાબતે ગાળો આપી હતી અને ઢિકાપાટુનો માર માર્યો હતો તેમાં વાળા અને શર્ટનો કાઠલો પકડીને તેને બજારમાં તેમજ દીવાલમાં માથું અથડાવીને જમણી આંખની ઉપર નેણ પાસે ઇજા કરેલ હતી જેથી ઇજા પામેલ હાલતમાં તેને સારવાર માટે હોસ્પિટલે લઇ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.