મોરબીના બાયપાસ રોડે સરકારી આવાસ પાસેથી પિસ્તોલ- બે કાર્ટિસ સાથે એકની ધરપકડ: એકની શોધખોળ
SHARE
JOIN OUR GROUP
મોરબીના બાયપાસ રોડે સરકારી આવાસ પાસેથી પિસ્તોલ- બે કાર્ટિસ સાથે એકની ધરપકડ: એકની શોધખોળ
મોરબીના કંડલા બાયપાસ રોડ ઉપર આવેલ સરકારી આવાસ યોજના પાસેથી એસઓજીની ટીમ દ્વારા દેશી બનાવટની પિસ્તોલ અને બે જીવતા કાર્ટિસ સાથે એક શખ્સની ધરપકડ કરવામાં આવી છે અને અન્ય એક શખ્સનું નામ સામે આવ્યુ હોય હાલમાં બે શખ્સોની સામે મોરબી સિટી એ ડિવિઝન પોલીસ સ્ટેશને ગુનો નોંધાયેલ છે અને બીજા આરોપીને પકડવા માટે તજવીજ શરૂ કરવામાં આવેલ છે
બનાવની જાણવા મળતી વિગત પ્રમાણે મોરબી શહેરના કંડલા બાયપાસ રોડ ઉપર ધ્રુવ હોસ્પિટલની પાછળના ભાગમાં આવેલ સરકારી આવાસ યોજના નજીક એક શખ્સ પાસે હથિયાર હોવાની હકીકત એસઓજીની ટીમને મળી હતી જેના આધારે મોરબી જિલ્લા એસઓજીની ટીમ દ્વારા ત્યાં તપાસ કરવામાં આવી હતી ત્યારે એજાજ ઉર્ફે અલાદિન યુસુફભાઈ સલોટ જાતે ઘાંચી (૨૦) રહે. ગોંડલ વોરાકોટડા રોડ સબ જેલ પાસે સરકારી આવાસ નંબર ૧૮૦ વાળાની પાસેથી દેશી બનાવટની એક પિસ્તોલ મળી આવી હતી જેથી કરીને ૧૦,૦૦૦ રૂપિયાની પિસ્તોલ અને બે કાર્ટિસ એમ કુલ મળીને ૧૦,૨૦૦ ના મુદામાલ સાથે પોલીસે એજાજ ઉર્ફે અલાદિન યુસુફભાઈ સલોટની ધરપકડ કરી છે અને તેની પાસેથી સુરેન્દ્રનગરના રહેવાસી સમીર અનવરભાઈ કંડિયાનું નામ સામે આવ્યું છે જેથી આ બંને શખ્સોની સામે મોરબી સિટી એ ડિવિઝન પોલીસ સ્ટેશન ખાતે આર્મ્સ એક્ટ મુજબ ગુનો નોંધીને પોલીસે બીજા આરોપીને પકડવા માટે તજવીજ શરૂ કરી છે
