ટંકારા તાલુકાના વિરપર ગામે નિરાધાર ગૌ-માતાના લાભાર્થે નાટકનું આયોજન
Morbi Today
મોરબીના શ્રી આશાપુરા ગ્રુપ દ્વારા માતાના મઢ જતા પદયાત્રીઓ માટે ૧૮ વર્ષથી હરતો ફરતો સેવા કેમ્પ
SHARE
JOIN OUR GROUP
મોરબીના શ્રી આશાપુરા ગ્રુપ દ્વારા માતાના મઢ જતા પદયાત્રીઓ માટે ૧૮ વર્ષથી હરતો ફરતો સેવા કેમ્પ
કચ્છના પવિત્ર યાત્રાધામ માતાના મઢ ખાતે બિરાજમાન માં આશાપુરાના દર્શનાર્થે મોટી સંખ્યામાં શ્રદ્ધાળુઓ પદયાત્રા કરીને પહોંચે છે. માતાજી પ્રત્યેની અતૂટ શ્રદ્ધા અને આસ્થાને સાકાર કરતા પદયાત્રીઓની સેવા માટે મોરબીના યુવાનો દ્વારા છેલ્લા ૧૮ વર્ષથી સતત ‘હરતો ફરતો સેવા કેમ્પ’નું આયોજન કરવામાં આવે છે. શ્રી આશાપુરા ગ્રુપના યુવાનો દ્વારા કરવામાં આવતી આ સેવાકીય પ્રવૃત્તિ પદયાત્રીઓ માટે રાહતરૂપ બની રહી છે.
માતાના મઢ તરફ જતાં માર્ગો પર પદયાત્રા દરમિયાન શ્રદ્ધાળુઓને થાક, ગરમી અને લાંબી મુસાફરીના કારણે અનેક મુશ્કેલીઓનો સામનો કરવો પડે છે. આવી પરિસ્થિતિમાં પદયાત્રીઓને જરૂરી સુવિધાઓ મળી રહે અને તેમની યાત્રા વધુ સરળ બને તેવા ઉમદા આશય સાથે શ્રી આશાપુરા ગ્રુપના યુવાનો દ્વારા હરતો ફરતો સેવા કેમ્પ ચલાવવામાં આવે છે. આ સેવા કેમ્પમાં પદયાત્રીઓ માટે ઠંડાં પીણાં, ફરસાણ, નમકીન અને લીંબુ શરબત જેવી સુવિધાઓ ઉપલબ્ધ કરાવવામાં આવે છે. શ્રી આશાપુરા ગ્રુપના યુવાનો દ્વારા માતાજીના દર્શન માટે નીકળેલા પદયાત્રીઓની નિઃસ્વાર્થ સેવા કરવાના ભાવ સાથે પદયાત્રીઓની સેવા કરવામાં આવી રહી છે. અને આ આયોજનને સફળ બનાવવા માટે મનીષભાઈ દેવમુરારી (ટીંબડી), રમેશભાઈ રૈયાણી (લક્ષ્મીનગર), મહંત ભરતદાસબાપુ કુબાવત (નારીચાણીયા હનુમાનજી મંદિર, મોટા રામપર), કિશોરભાઈ વિરપરિયા, હિરેન દેવમુરારી, નિખિલ દેવમુરારી, પિયુષ પટેલ, ભદ્રેશભાઈ દેવમુરારી અને ભાવિન દેવમુરારી સહિતના યુવાનો જહેમત ઉઠાવે છે.
