મોરબીના જુના બસસ્ટેન્ડે બસમાં ચડતા સમયે નીચે પટકાયેલા યુવાનના પગ ઉપર બસના વ્હીલ ફરી ગયા
SHARE
JOIN OUR GROUP
મોરબીના જુના બસસ્ટેન્ડે બસમાં ચડતા સમયે નીચે પટકાયેલા યુવાનના પગ ઉપર બસના વ્હીલ ફરી ગયા
મોરબી શહેરના જુના બસસ્ટેન્ડમાં બસમાં ચડતા સમયે ધક્કામુક્કીને કારણે નીચે પડી ગયેલા યુવાનના પગ ઉપરથી બસનું વ્હીલ ફરી વળ્યું હતું જેથી કરીને તેના બંને પગમાં ઇજા થવાથી યુવાનને સારવારમાં ખસેડવામાં આવ્યો હતો અને આ યુવાને હાલમાં બસના ચાલક સામે મોરબી સીટી એ ડીવીઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબીની ઘાંચી શેરી નંબર-૬ માં રહેતા મહેબુબભાઇ કાસમભાઈ બોધા જાતે ઘાંચી (ઉંમર ૩૬) મોરબીના જૂના બસ સ્ટેન્ડમાં એસટી બસ નંબર જીજે ૧૮ ઝેડ ૬૫૧૧ આવી ત્યારે મહેબુબભાઇ તેમાં ચડતો હતો તે સમયે ધક્કામુક્કીના કારણે તે એસટી બસમાંથી નીચે પટકાયો હતો ત્યારે એસટી બસના ચાલકે ગફલતભરી રીતે પોતાની બસ ચલાવીને યુવાનના બંને પગ ઉપરથી બસના ટાયરનો જોટો ફેરવી ડેટા તેના બંને પગમાં ઇજા થયેલ છે જેથી કરીને તેને સારવારમાં ખસેડાયો હતો અને તે યુવાને હાલમાં મોરબી સીટી એ ડીવીઝન પોલીસ સ્ટેશન ખાતે એસટી બસના ચાલકની સામે ફરીયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
