મોરબીમાં વૃદ્ધને હનીટ્રેપમાં ફસાવનાર ચાર શખ્સો પાસેથી પોલીસે ૧૧.૫૦ લાખ અને ચાર કાર કબજે કરી: આરોપી જેલ હવાલે
SHARE
JOIN OUR GROUP
મોરબીમાં વૃદ્ધને હનીટ્રેપમાં ફસાવનાર ચાર શખ્સો પાસેથી પોલીસે ૧૧.૫૦ લાખ અને ચાર કાર કબજે કરી: આરોપી જેલ હવાલે
મોરબીના વૃદ્ધને હનીટ્રેપમાં ફસાવીને તેની પાસેથી ૨૨ લાખ રૂપિયા પડાવવામાં આવ્યા હતા જેની વૃદ્ધે મોરબી બી ડિવિઝન પોલીસ સ્ટેશને ફરિયાદ નોંધાવી હતી જેના આધારે એલસીબીની ટીમે બે મહિલા સહિત છ આરોપીઓની ધરપકડ કરેલ હતી અને તે આરોપીઓને રિમાન્ડની માંગણી સાથે કોર્ટમાં રજૂ કરવામાં આવ્યા હતા ત્યાર બાદ અગાઉ બે મહિલા આરોપીને જેલ હવાલે કરવામાં આવી છે જો કે, ચાર આરોપીને રિમાન્ડ ઉપર લેવામાં આવ્યા હતા તેની પાસેથી પોલીસે ૧૧.૫૦ ની રોકડ અને ચાર કાર કબજે કરીને અને આરોપીના રિમાન્ડ પૂર થતા તેને જેલ હવાલે કરવામાં આવેલ છે.
મોરબીના રવાપર રોડ ઉપર રહેતા રામજીભાઇ હરીભાઇ પરેચા જાતે પટેલ (ઉ-૬૮)ને બે મહિલા સહિત છ શખ્સો દ્વારા શિકાર બનાવવા આવ્યા હતા અને તેની પાસેથી ૨૨ લાખ રૂપિયા પડાવવામાં આવ્યા હતા જેથી ભોગ બનેલા વૃદ્ધે મોરબી બી ડિવિઝન પોલીસ સ્ટેશને ફરિયાદ નોંધાવી હતી તેના આધારે પોલીસે દિલીપભાઇ કાંતિલાલ મિસ્ત્રી (૩૫), અંકિતભાઇ ઉર્ફે ગટુ દિનેશભાઇ નાગલા જાતે આહિરા વાણંદ (૨૭), પ્રશાંત ઉર્ફે લાલો પ્રવિણભાઇ રેણુકા જાતે બારોટ (૩૨), અનિલ ઉર્ફે દેવો વિનુભાઇ બોરાણા જાતે રાવળ (૩૨), ગીતાબેન ઉર્ફે રીન્કુબેન અંકિતભાઇ નાગલા જાતે આહિરા વાણંદ (૩૫) અને ઉષાબેન સંજયભાઈ પટેલ (૪૦)ની થોડા દિવસો પહેલા ધરપકડ કરી હતી અને બે મહિલા આરોપીને અગાઉ જેલ હવાલે કરવામાં આવી હતી જો કે, ચાર આરોપીના બે દિવસના રિમાન્ડ મંજૂર કર્યા હતા જેથી પોલીસે તપાસ દરમ્યાન આરોપીઓ પાસેથી ૧૧.૫૦ લાખની રોકડ અને ચાર કારને કબજે કરી છે અને આરોપીઓના રિમાન્ડ પૂરા થતાં તેને જેલ હવાલે કરવામાં આવેલ છે.
