મોરબી નજીક અકસ્માત સર્જીને યુવાનનું મોત નિપજાવનારા અજાણ્યા વાહનચાલકે સામે ગુનો નોંધાયો
Morbi Today
વાંકાનેરમાં ઓનલાઈન વેપાર કરતી પરિણીતાને ઓનલાઈન ગ્રાહકના બદલે રોમિયો ભટકાયો !
SHARE
JOIN OUR GROUP
વાંકાનેરમાં ઓનલાઈન વેપાર કરતી પરિણીતાને ઓનલાઈન ગ્રાહકના બદલે રોમિયો ભટકાયો !
ઓનલાઈન વેપારના રવાડે ચડેલા મહિલાઑ માટે લાલબતી સામાન કિસ્સો મોરબી જિલ્લાના વાંકાનેરમાં સામે આવ્યો છે જેમાં ફેસબુકમાં એકાઉન્ટ બનાવીને માલનું વેચાણ કરતી પરિણીતાને “તમે મને ગમો છો” માલ મંગાવનારા એક શખ્સે મેસેજ કર્યો હતો અને બાદમાં તે મહિલા તેના પતિ અને નણંદને વોટસપમા મેસેજ કરીને તેમજ અવાર નવાર ફોન કરીને ગાળો આપી હતી અને એસિડ છાંટીને ચહેરો બગાડી નાખવાની અને ફેસબુક કે ઇન્સ્ટાગ્રામ પર દેખાશે તો જાનથી મારી નાખવાની ધમકી આપી હતી જેથી પોલીસે ભોગ બનેલ મહિલાની ફરિયાદ લઈને ગુનો નોંધીને આરોપીઓને પકડવા માટે ચક્રોગતિમાન કરેલ છે
બનાવની જાણવા મળતી માહિતી મુજબ વાંકાનેરની ભાટીયા સોસાયટીમાં આરોગ્ય કેન્દ્રની બાજુમા રહેતા મેઘનાબેન હિતેશભાઈ ભટ્ટ જાતે બ્રામણ (ઉ.૩૮)એ જાવીદ કુરેશી સામે ફરિયાદ નોંધાવી છે જેમાં તેને જણાવ્યુ છે કે, ફરીયાદી મેઘના ભટ્ટ નામથી ફેસબુકમા એકાઉન્ટ બનાવીને ઓનલાઇન ઓર્ડર મેળવી ડ્રેસ, ચણીયા ચોળીના મટીરીયલ્સની ખરીદી કરી વેચાણ કરવાનો વ્યવસાય કરે છે જેથી ગત તા.૧૬/૪ થી ૬/૫ સુધીમાં આરોપીએ ફરીયાદી પાસેથી ચણીયા ચોળીનો ઓર્ડર આપી તે મંગાવ્યા હતા અને ફરીયાદીને મોબાઇલ ફોનમા “તમે મને ગમો છો” કહીને મેસેજ કર્યો હતો જેથી ફરીયાદી મહિલાએ “મારા લગ્ન થઈ ગયેલ છે” તેવો મેસેજ કર્યો હતો જેથી આરોપીએ ફરીયાદી તથા તેના પતિ હિતેશભાઈ કીશનભાઈ ભટ્ટ તથા નણંદ રીનાબેન રવીભાઇ ગોરેચાના મોબાઇલ નંબરમા વોટસપમા મેસેજ કરીને તેમજ અવાર નવાર ફોન કરીને ગાળો આપી હતી અને એસીડ છાંટી ચહેરો બગાડી નાખવાની ધમકી આપી હતી અને ઓનલાઇન ફેસબુક કે ઇન્સ્ટાગ્રામ પર દેખાશે તો જાનથી મારી નાખવાની ધમકી આપી હતી જેથી ભોગ બનેલ મહિલાએ ફરિયાદ નોંધાવતાં પોલીસે આઈ.પી.સી. કલમ ૫૦૭, ૫૦૪ મુજબ ગુનો નોંધીને આરોપીને પકડવા માટે તજવીજ શરૂ કરી છે
