મોરબી જીલ્લામાં ગુજરાત પ્રદેશ ભાજપના મહામંત્રી વિનોદભાઇ ચાવડાની હાજરીમાં ગરીબ કલ્યાણ સંમેલન સંપન્ન
Morbi Today
મોરબીના બેલા ગામે ગેરેજ પાસેથી બીયરના ૧૪૨ ટીન સાથે એક ઝડપાયો
SHARE
JOIN OUR GROUP
મોરબીના બેલા ગામે ગેરેજ પાસેથી બીયરના ૧૪૨ ટીન સાથે એક ઝડપાયો
મોરબી તાલુકા પોલીસ સ્ટાફ નાઈટરાઉન્ડમાં હતો તે દરમિયાન સ્ટાફને મળેલ બાતમી આધારે બેલા ગામે આવેલ ગેરેજ નજીક તપાસ કરવામાં આવતા ત્યાંથી પોલીસને બીયરના ૧૪૨ ટીન મળી આવ્યા હતા.જેથી પોલીસ દ્વારા બીયરના ૧૪૨ ટીન સાથે હાલમાં એક ઈસમની ધરપકડ કરીને આ અંગે આગળની તપાસ હાથ ધરવામાં આવી છે.
મોરબી તાલુકા પોલીસ મથકના સૂત્રોમાંથી મળતી માહિતી મુજબ તાલુકા પોલીસ મથકના મનીષભાઈ બારૈયા સહિતનો સ્ટાફ મોરબીના બેલા ગામ પાસે આવેલ દેવ મોટર્સ ગેરેજ નજીક પેટ્રોલિંગમાં હતો.તે દરમ્યાન મળેલ બાતમીને આધારે દેવ મોટર નજીક સર્ચ કરવામાં આવતા ત્યાંથી બીયરના ૧૪૨ ટીનની સાથે દિવ્યેશ કિશોરભાઇ અંબાણી જાતે પટેલ (ઉમર ૨૮) રહે.હરિઓમ પાર્ક ઘુંટુ રોડ મોરબી-૨ વાળો મળી આવ્યો હતો.જેથી હાલમાં રૂપિયા ૧૪,૨૦૦ ની કિંમતના બીયરના ૧૪૨ ટીન જપ્ત કરીને દિવ્યેશ અંબાણી વિરુદ્ધ પ્રોહીબીશન એકટ મુજબ ગુનો નોંધીને તે આ જથ્થો ક્યાંથી લાવ્યો હતો..? અને તે કોને કોને વેચાણ કરતો હતો..? એ દિશામાં તાલુકા પોલીસે આગળની તપાસ શરૂ કરી હોવાનું જાણવા મળે છે.
વાહન અકસ્માતમાં ઈજા
મોરબીના વિશીપરાના રોહીદાસપરા વિસ્તારમાં રહેતો મહેન્દ્રભાઈ કિશોરભાઈ સારેસા નામના ૧૭ વર્ષીય યુવાન માળીયા હાઇવે ઉપર અમરનગર ગામ પાસેથી જતો હતો ત્યારે રસ્તામાં તેને વાહન અકસ્માતના બનાવમાં ઈજાઓ પહોંચતા સારવાર માટે સિવિલ હોસ્પિટલે ખસેડાયો હતો. જ્યારે પડધરીનો રહેવાસી ઇરફાનભાઇ હુસેનભાઇ હાલા નામનો ૨૮ વર્ષીય યુવાન મોરબીના નવલખી રોડ રોકડીયા હનુમાન મંદિર પાસેથી જતો હતો ત્યાં તેને વાહન અકસ્માતના બનાવમાં ઇજાઓ પહોંચતાં તેને પણ સારવારમાં સિવિલે ખસેડવામાં આવ્યો હતો.પોલીસે બંને બનાવો અંગે નોંધ કરીને આગળની તપાસ હાથ ધરી છે.
મારામારીમાં ઇજા
મોરબીના વાંકાનેર હાઇવે ઉપર બંધુનગર નજીક આવેલ સનસેરા સિરામિક નામના યુનિટ પાસે મારામારીનો બનાવ બન્યો હતો જેમાં રોહિતકુમાર ઉદનાભાઈ શાહ (૨૦) અને વિરેન્દ્ર ક્રિષ્નાભાઈ શાહ (૨૩) નામના બે પરપ્રાંતીય યુવાનોને ઇજાઓ પહોંચતાં બંનેને સારવાર માટે સિવિલે ખસેડવામાં આવ્યા હતા.જેથી નોંધ કરી પોલીસે મારામારીના બનાવની આગળની તપાસ હાથ ધરેલ છે.
