મોરબીના ભરતનગર પાસે ટ્રકનો ઓવરટેક કરવા જતાં કચડાઈ જવાથી બાઇક ચાલક આધેડનું મોત
Morbi Today
મોરબીની મહારાણા પ્રતાપ સોસાયટી પાસે બાઇક સ્લીપ થતાં ફૂટપાથ સાથે માથું અથડાતાં યુવાનનું મોત
SHARE
JOIN OUR GROUP
મોરબીની મહારાણા પ્રતાપ સોસાયટી પાસે બાઇક સ્લીપ થતાં ફૂટપાથ સાથે માથું અથડાતાં યુવાનનું મોત
મોરબીના સામાકાંઠા વિસ્તારમાં આવેલ મહારાણા પ્રતાપ સોસાયટી પાસેથી બાઇક લઇને પસાર થઇ રહેલા યુવાનનું બાઇક કોઈ કારણોસર રસ્તા ઉપર સ્લીપ થઈ ગયું હતું જેથી કરીને નીચે પટકાયેલા યુવાનનું માથું ફૂટપાથ સાથે ભટકાયું હતું અને તેને માથામાં ગંભીર ઈજા થવાના કારણે યુવાનનું મોત નીપજયું હતું હાલમાં અકસ્માત મૃત્યુના બનાવમાં મૃતકના ભાઇની ફરિયાદ લઈને મોરબી બી ડિવિઝન પોલીસ દ્વારા આગળની રાબેતા મુજબની કાર્યવાહી હાથ ધરવામાં આવી છે
બનાવની જાણવા મળતી વિગત પ્રમાણે મોરબીના લાલપર ગામ પાસે સિરામિક સિટી એફ-૧ બ્લોક નંબર ૧૦૨ માં રહેતા મોહિતકુમાર નંદકિશોર શ્રીવાસ (૨૦) પોતાનું બાઇક નંબર જીજે ૩ એચસી ૫૨૦૩ લઈને મોરબીના સામાકાંઠા વિસ્તારમાં આવેલ મહારાણા પ્રતાપ સોસાયટી પાસેથી પસાર થઇ રહ્યો હતો ત્યારે કોઇ કારણોસર તેનું બાઇક સ્લીપ થયું હતું અને મોહિતકુમારનું માથું રોડ સાઈડમાં આવેલ ફૂટપાથ સાથે અથડાયું હતું જેથી તેને માથામાં ગંભીર ઈજા થઈ હોવાથી તેનું મોત નીપજ્યું હતું અને ત્યાર બાદ તેના મૃતદેહને પીએમ માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને અકસ્માતના બનાવની મોરબી સીટી બી ડિવિઝન પોલીસને જાણ કરવામાં આવી હતી અને હાલમાં પોલીસે મૃતક યુવાનના ભાઈ રોહિતભાઈ નંદકિશોર શ્રીવાસ (૨૫) રહે. સિરામિક સિટી વાળાની ફરિયાદ લઈને આગળની રાબેતા મુજબની કાર્યવાહી હાથ ધરી છે
ઝેરી દવા પીધી
મોરબી નજીકના રામગઢ કોયલી ગામે રહેતી કિંજલ પરબતભાઇ નાયકા (૧૮) નામની યુવતીએ કોઈ કારણોસર ઝેરી દવા પી લીધી હતી જેથી કરીને તેને સારવાર માટે મોરબીની હોસ્પીટલમાં ખસેડવામાં આવી છે અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે અને આ બનાવની મોરબી તાલુકા પોલીસ સ્ટેશનને જે.કે. અઘારા તપાસ કરી રહયા છે
