મોરબીના બંધુનગર પાસે ચોર સમજીને ઢોર માર મારીને યુવાનની હત્યા કરવાના ગુનામાં ચાર આરોપીની ધરપકડ
Morbi Today
મોરબીના ગોરખીજડીયા ગામે વાડીએ રહેતા પરિવારની સગીર દીકરીએ કર્યો આપઘાતનો પ્રયાસ
SHARE
JOIN OUR GROUP
મોરબીના ગોરખીજડીયા ગામે વાડીએ રહેતા પરિવારની સગીર દીકરીએ કર્યો આપઘાતનો પ્રયાસ
મોરબી તાલુકાના ગોર ખીજડીયા ગામે વાડી વિસ્તારમાં રહેતા પરિવારની સગીરવયની દીકરીએ ગળાફાંસો ખાઈ લેતા તેને સારવાર માટે મોરબીની ખાનગી હોસ્પિટલમાં ખસેડવામાં આવી છે અને આપઘાતના પ્રયાસની આ ઘટના અંગે મોરબી તાલુકા પોલીસને જાણ કરવામાં આવતા હાલમાં પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે મોરબી તાલુકાના ગોર ખીજડીયા ગામ પાસે વાડી વિસ્તારમાં રહેતા પરબતભાઈ મેડાની ૧૬ વર્ષની દીકરી ઉષાબેનએ મોડી રાત્રિના સમયે ગળાફાંસો ખાઈ લીધો હતો જેથી તેને ગંભીર હાલતમાં સારવાર માટે મોરબીની આયુષ હોસ્પિટલ ખાતે સારવારમાં લઈને આવ્યા છે અને સગીરા બેભાન અવસ્થામાં હોવાથી હાલમાં આપઘાતના પ્રયાસની આ ઘટના અંગે મોરબી તાલુકા પોલીસને જાણ કરવામાં આવી છે અને પોલીસે બનાવની નોંધ કરીને રાબેતા મુજબની કાર્યવાહી હાથ ધરી છે જોકે, સગીરાએ કયા કારણોસર આપઘાતનો પ્રયાસ કર્યો છે તે દિશામાં મોરબી તાલુકા પોલીસ દ્વારા તપાસ તજવીજ શરૂ કરવામાં આવી છે
મારા મારીમાં ઇજા
મોરબીના વીસીપરા વિસ્તારમાં આવેલ કેશવાનંદ બાપુના આશ્રમ પાસે મારામારીનો બનાવ બન્યો હતો જેમાં મુમતાજબેન રમજાનભાઈ નોતીયાર (૩૨) રહે. કુલીનગર વીસીપરા વાળિને ઇજાઓ થઈ હોવાથી તેને મોરબીની સિવિલ હોસ્પિટલ ખાતે સારવારમાં ખસવામાં આવી હતી અને આ બનાવની સ્થાનિક પોલીસને જાણ કરવામાં આવી છે
અકસ્માતમાં ઇજા
હળવદ તાલુકાના ચૂંપણી ગામે રહેતા વિનુલાલ પ્રભુદાસ મારવાણીયા (૪૭) ને અકસ્માતના બનાવમાં ઈજા થઈ હતી જેથી તેને સારવાર માટે મોરબીની ખાનગી હોસ્પિટલમાં ખસેડવામાં આવ્યા હતા અને અકસ્માતના આ બનાવની સ્થાનિક પોલીસને જાણ કરવામાં આવી હતી ત્યાંથી હળવદ તાલુકા પોલીસને બનાવની જાણ કરવાની કવાયત કરવામાં આવી છે
અકસ્માતમાં ઇજા
મોરબીના વજેપર શેરી નં-૧૦ માં રહેતા રાજુભાઈ કમલેશભાઈ ખાણદર (૨૫) નો નખત્રાણા હાઇવે ઉપર પાંધી રોડ પાસે વાહન અકસ્માત થયો હતો જેથી તેને ઇજા થતાં ઇજાગ્રસ્ત રાજુભાઈને સારવાર માટે મોરબીની સદભાવના હોસ્પિટલ ખાતે ખસેડવામાં આવેલ છે
અકસ્માતમાં ઇજા
મોરબીના રવાપર રોડ ઉપર આવેલ મહાવીર સોસાયટી પાસે બાઈકમાંથી નીચે પડી જતા મૂળજીભાઈ કરસનભાઈ ચાવડા (૩૭) રહે. બજારની વાડી ગોકુલનગર પાસે વાળાને ઇજાઓ થઈ હતી જેથી તેને સારવાર માટે મોરબીની ખાનગી હોસ્પિટલમાં લઈ જવામાં આવ્યો હતો અને સ્થાનિક પોલીસને બનાવની જાણ કરવામાં આવી હતી
સાપ કરડી ગયો
હળવદ તાલુકાના રાતાભેર ગામે રહેતા સવિતાબેન રાકેશભાઈ સદાસીયા (૨૫) વાડીએ હતા ત્યારે સાપ કરડી જતા તેઓને સારવાર માટે મોરબીની આયુષ હોસ્પિટલ ખાતે લઈને આવ્યા હતા અને હાલમાં આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
