મોરબીના લાલપર ગામ પાસે આવેલ સીરામીક કારખાનામાં લોડર ચાલકે માથું કચડી નાખતા દોઢ વર્ષના બાળકનું મોત
SHARE
JOIN OUR GROUP
મોરબીના સીરામીક કારખાનાઓમાં અવારનવાર જીવલેણ અકસ્માતો સર્જાતા હોય છે જેમાં ખાસ કરીને વાહનની હડફેટે નાના બાળકો ચડી જતા હોય તેના મોત નીપજતા હોય છે આવી જ ઘટના મોરબી નજીકના લાલપર ગામ પાસે આવેલ પાયોનિયર સિરામિક કારખાનાના માટી ખાતામાં બની છે અને તેમાં ત્યાં મજૂરી કામ કરતા યુવાનના દોઢ વર્ષના બાળકના માથા ઉપરથી લોડરનું તોતીગ ટાયર ફરી વળ્યું હતું જેથી કરીને બાળકનું મોત નીપજ્યું હતું અને વાહન ચાલક પોતાના હવાલા વાળું વાહન મૂકીને નાસી છૂટ્યો હતો જેથી કરીને મૃતક બાળકના મૃતદેહને પીએમ માટે હોસ્પિટલે ખસેડવામાં આવ્યો હતો અને ત્યારબાદ આ બનાવ સંદર્ભે મૃતક બાળકના પિતાએ હાલમાં મોરબી તાલુકા પોલીસ સ્ટેશન ખાતે લોડર ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે મૂળ બિહારના રહેવાસી અને હાલમાં મોરબી નજીકના લાલપર ગામ પાસે આવેલ પાયોનીયર સીરામીક કારખાનામાં મજૂરની ઓરડીમાં રહેતા અને ત્યાં મજૂરી કામ કરતા મીથલેશ ચંદ્રિકાભાઈ ચૌહાણ જાતે આદિવાસી (ઉમર 25) દ્વારા મોરબી તાલુકા પોલીસ સ્ટેશન ખાતે હાલમાં લોડર નંબર જીજે 36 એસ 2368 ના ચાલક સામે ફરિયાદ નોંધાવવામાં આવી છે જેમાં તેને જણાવ્યું છે કે તેઓ અને તેના પત્ની પાયોનીયર સીરામીક કારખાનાના માટી વિભાગમાં સ્પ્રેડાયર પાસે મજૂરી કામ કરતા હતા ત્યારે તેઓનો દોઢ વર્ષનો દીકરો છોટુ ત્યાં રમતો હતો દરમ્યાન લોડર ચાલકે પૂર ઝડપે અને બેફિકરાયથી પોતાનું વાહન રિવર્સમાં લીધું હતું અને ત્યારે ફરિયાદી યુવાનના દીકરાને હડફેટે લીધો હતો અને તેના માથા ઉપરથી લોડરનું વ્હીલ ફેરવી દીધું હતું જેથી કરીને દોઢ વર્ષના બાળકને ગંભીર ઈજા થવાથી તેનું મોત નીપજ્યું હતું ત્યારબાદ તેના મૃતદેહને મોરબીની સિવિલ હોસ્પિટલ ખાતે ખસેડવામાં આવ્યો હતો અને આ બનાવ સંદર્ભે મૃતક બાળકના પિતાએ હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવી હોય અકસ્માત સર્જીને લોડરને સ્થળ ઉપર મૂકીને નાસી છૂટેલા વાહન ચાલકને પકડવા માટે મોરબી તાલુકા પોલીસ દ્વારા તજવીજ શરૂ કરવામાં આવી છે
