હળવદમાં હિમોગ્લોબિનની ટકાવારી ઘટી જતા સગર્ભા મહિલાનું મોત

હળવદની અનમોલ સોસાયટી પાસે રહેતી સગર્ભા મહિલાને હિમોગ્લોબિનની ટકાવારી ઘટી જતા તેને સારવાર માટે ખસેડવામાં આવી હતી અને તે મહિલાનું સારવાર દરમિયાન મોત નીપજ્યું હતું જેથી કરીને આ બનાવની હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી 

બનાવની જાણવા મળતી વિગત મૂળ પંચમહાલ જિલ્લાના ગોપીપુરાના રહેવાસી અને હાલમાં હળવદની અનમોલ સોસાયટી પાસે છાપરામાં રહેતા રસ્મિકાબેન વિક્રમભાઈ રાઠવા જાતે આદિવાસી (ઉંમર ૨૩) ને સારવાર માટે હોસ્પિટલે ખસેડવામાં આવ્યા હતા અને ચાલુ સારવાર દરમિયાન તેનું મોત નીપજયું છે જે બનાવવાની હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને વધુમાં પોલીસ સૂત્રો પાસેથી જાણવા મળતી વિગત પ્રમાણે રશ્મિકાબેન રાઠવા સગર્ભા હતા અને તે છેલ્લા ચાર પાંચ દિવસથી બીમારી હતા દરમ્યાન હિમોગ્લોબિનની ટકાવારી ઘટી જવાના કારણે સારવાર દરમિયાન તેનું મોત નીપજયું છે જેથી પોલીસે તેની નોંધ કરીને આગળની કાર્યવાહી હાથ ધરેલ છે