કાળનો ભેટો: માળીયા (મી) નજીક આઇસર ટ્રકના ચાલકે બંધ પડેલ કારની પાછળ ઉભેલા યુવાનને હડફેટે લેતા મોત
SHARE
JOIN OUR GROUP
કાળનો ભેટો: માળીયા (મી) નજીક આઇસર ટ્રકના ચાલકે બંધ પડેલ કારની પાછળ ઉભેલા યુવાનને હડફેટે લેતા મોત
માળીયા કચ્છ હાઇવે ઉપર આવેલ દેવ સોલ્ટ કારખાનાની સામેના ભાગમાં કાર બંધ પડી ગઈ હોવાથી યુવાન કારની પાછળના ભાગમાં ઉભો હતો ત્યારે પાછળથી આવી રહેલ આઇસર ટ્રકના ચાલકે બેફિકરેથી પોતાનું વાહન ચલાવીને કારની પાછળ પોતાનું વાહન અથડાવ્યું હતું ત્યારે યુવાનને માથાના ભાગે ગંભીર થતાં તેનું મોત નીપજયું હતું જેથી મૃતક યુવાનના પિતાએ આઇસર ટ્રકના ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ હળવદ તાલુકાના ચરાડવા ગામે નવી એસબીઆઇ બેન્કની સામેના ભાગમાં રહેતા ઠાકરશીભાઈ મૂળજીભાઈ ચાવડા જાતે સતવારા (ઉંમર ૫૫)એ આઇસર ટ્રક નં. જીજે ૨૩ એક્સ ૪૨૪૨ ના ચાલક સામે માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવે છે જેમાં તેને જણાવ્યું છે કે, માળિયા કચ્છ હાઇવે ઉપર આવેલ દેવસોલ્ટ કારખાનાની સામેના ભાગમાં તેઓની અર્ટિકા કાર નં. જીજે ૩૬ બી ૮૩૦૨ બંધ પડી ગઈ હતી જેથી કરીને તેઓ રોડ સાઈડમાં પોતાની કારને ઉભી રાખીને ઉભા હતા ત્યારે પાછળથી આરોપી પોતાના હવાલા વાળો આઇસર ટ્રક લઈને આવતો હતો અને તેણે કારની પાછળમાં ભાગમાં ઉભેલ ફરિયાદીના દીકરા વિજયભાઈ ઠાકરશીભાઈ ચાવડા (ઉંમર ૨૫) તેમજ કારને હડફેટે લીધી હતી જેથી વિજયભાઈને માથાના ભાગે ગંભીર ઈજા થઇ હોવાથી તેનું મોત નીપજયું હતું અને અકસ્માત સર્જીને ટ્રક ચાલક પોતાનું વાહન લઇને ત્યાંથી નાશી ગયો હતો જેથી હાલમાં મૃતક યુવાનના પિતાની ફરિયાદ લઈને પોલીસે અકસ્માત સર્જનાર આઇસર ટ્રક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
