મોરબીના નવલખી રોડે ઇકોએ પાછળથી બાઇકને ઠોકર મારતા યુવાનનું મોત

મોરબીના નવલખી રોડે બરવાળા ગામ પાસે રેલવે સ્ટેશન નજીક ઇકો કારના ચાલકે બાઇકને પાછળથી ઠોકર મારતા બાઈક ચાલક યુવાનને ઇજાઓ થઈ હતી અને સારવાર મળે તે પહેલા જ તેનું મોત નીપજ્યું હતું અને અન્ય એક યુવાનને ઇજાઓ થઈ હોવાથી તેને સારવારમાં લઈ જવામાં આવ્યો હતો આ બનવાની પોલીસે નોંધ કરીને આગળની કાર્યવાહી હાથધરી હતી

નવલખી હાઇવે ઉપર બરવાળા નજીક ઈકો ગાડી નંબર જીજે ૩ કેસી ૪૦૫૫ ના ચાલકે બાઇક નં. જીજે ૧૦ સીબીઆઇ ૦૯૩૮ ને પાછળથી ઠોકર મારી હતી જેથી કરીને બાઇક ચાલક વેરસીભાઈ રાજેશભાઇ રૂદાતલાને ગંભીર ઇજાઓ થઈ હતી અને સારવાર મળે તે પહેલા જ તેનું મોત નીપજયું હતું અને તેની સાથે બેઠેલા અન્ય એક યુવાનને ઇજાઓ થઈ હોવાથી તેને સારવારમાં ખસેડાયો છે અને આ બનાવમાં મૃતક વેરસીભાઈના હજનાળી ગામે રહેતા પિતા રાજેશભાઈ ભીખાભાઈ રૂદાતલાએ અકસ્માત સર્જીને નાશી ગયેલા ઇકો કારના ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે આગળની કાર્યવાહી કરલે છે