મોરબીમાં એકતા એજ લક્ષ્ય સંગઠન દ્વારા સરદાર પટેલને શ્રદ્ધાંજલી અર્પણ કરાઇ
Morbi Today
માળીયા (મી)ના સરવડ ગામે હાઇસ્કૂલમાં વ્યસન મુક્તિ નિબંધ સ્પર્ધા યોજાઈ
SHARE
JOIN OUR GROUP
માળીયા (મી)ના સરવડ ગામે હાઇસ્કૂલમાં વ્યસન મુક્તિ નિબંધ સ્પર્ધા યોજાઈ
માળીયા (મી) તાલુકાનાં સરવડ ગામે કે.પી.હોથી ઉચ્ચતર માધ્યમિક હાઇસ્કૂલમાં ડિસ્ટ્રીક્ટ ટોબેકો કંટ્રોલ સેલ મોરબી અને પ્રાથમિક આરોગ્ય કેન્દ્ર સરવડના સયુંકત ઉપક્રમે વ્યસન મુક્તિ અને જાગૃતિ માટે નિબંધ સ્પર્ધાનું આયોજન કરવામાં આવ્યું હતું. જેમાં ઉત્સાહ ભેર વિદ્યાર્થીઓએ ભાગ લીધો હતો આ સ્પર્ધામાં પ્રથમ, દ્વિતીય અને તૃતીય નંબરના વિજેતા વિદ્યાર્થીઓને સન્માનીત કરવામાં આવ્યા હતા અને તેને ઇનામ પણ આપવામાં આવ્યા હતા. આ સ્પર્ધામાં ભાગ લેનાર તમામ સ્પર્ધકને પ્રોત્સાહક ઇનામ આપવામાં આવ્યા હતા. ત્યારબાદ ડિસ્ટ્રીકટ ટોબેકો કંટ્રોલ સેલ મોરબીના સોશ્યલ વર્કર તેહાન શેરસીયા દ્વારા વિદ્યાર્થીઓને તમાકુના વ્યસનની જાગૃતિ અંગે, વ્યસનની શારીરિક અસરો, આર્થિક અસરો વગેરે બાબતો અંગે માર્ગદર્શન આપવામાં આવ્યું હતું. અને દરેક વિદ્યાર્થીઓને તમાકુ મુક્ત રહેવા અને પોતાના પરિવારને પણ વ્યસનમુક્ત રહેવા અનુરોધ કર્યો હતો. આ તકે તાલુકા હેલ્થ ઓફિસ માળીયાના ટી.એચ.વી રમાબેન, પ્રા.આ.કેન્દ્ર સરવડનાં હેલ્થ સુપરવાઈઝર દિનેશ ગોગરા, કૈલાશબેન, સરવડનાં એમ.પી.એચ.ડબ્લ્યુ, એફ.એચ. ડબલ્યુ તથા આર.બી.એસ.કે. ડો. જલ્પાબેન કાવર હાજર રહ્યા હતા. આ કાર્યક્રમને સફળ બનાવવા માટે શાળાના આચાર્ય અગ્રાવત સાહેબ અને સ્ટાફ દ્વારા ભારે જહેમત ઉઠાવવામાં આવી હતી.
