હળવદની પીપરાળી સીમમાં જુગારની રેડ પડતાં જુગારીઓમાં નાશભાગ: ૪ પકડાયા, ૩ ફરાર
Morbi Today
નવલખી પોર્ટ ઉપરથી ચોરાઉ કોલસો ભરેલ ટ્રક ઝડપાયો : માલિક-ડ્રાઈવર સામે નોંધાયો ગુનો
SHARE
JOIN OUR GROUP
નવલખી પોર્ટ ઉપરથી ચોરાઉ કોલસો ભરેલ ટ્રક ઝડપાયો : માલિક-ડ્રાઈવર સામે નોંધાયો ગુનો
મોરબી નજીકના નવલખી પોર્ટ ઉપર આવતા કોલસામાંથી કોલસાની ચોરી કરવામાં આવતી હોય તેવું અનેક વખત સામે આવી ગયું છે ત્યારે હાલમાં પણ કોલસાની ચોરી કરવામાં આવતી હોવાનું સામે આવ્યું હતું જેથી કરીને ચોરી કરીને લઈ જવાતા ટ્રકને પકડીને માળીયા મિયાણા તાલુકા પોલીસ સ્ટેશને ફરિયાદ નોંધાવવામાં આવી છે જેમાં નવલખી પોર્ટ ઉપર પડેલ કોલસામાંથી ૧૦,૮૯૦ મેટ્રિક ટન કોલસો જેની કિંમત અંદાજે ૯૦,૦૦૦ નો જથ્થો ટ્રકમાં ભરીને કોઈપણ પ્રકારની માલ લેવાની સહમતિ વગર ચોરી કરવામાં આવતી હોય કોલસાની ચોરી કરનાર ટ્રક પકડાઈ જતા ટ્રકના માલિક અને ચાલકની સામે ફરિયાદ નોંધાવવામાં આવી છે અને જેથી પોલીસે આરોપીઓને પકડવા માટે તજવીજ શરૂ કરેલ છે.
બનાવની જાણવા મળતી માહિતી મુજબ મોરબીમાં દરબારગઢ પાસે સ્વામિનારાયણ મંદિર નજીક વઢવાણિયા શેરીમાં રહેતા ધર્મેન્દ્રભાઈ બલવીરભાઈ રાઠોડ જાતે રજપૂત (૫૩) એ ટ્રક નંબર જીજે ૩૬ ટી ૮૧૮૦ ના ચાલક અને માલિકની સામે માળિયા મીયાણા તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યું છે કે નવલખી પોર્ટ ઉપર તેઓની કંપનીનો કોલસાનો જથ્થો પડ્યો છે તેમાંથી આરોપીઓએ એકબીજાનું મેળાપીપણું કરીને ટ્રકમાં ૧૦,૮૯૦ મેટ્રિક ટન કોલસાનો જથ્થો ભરી લીધો હતો અને કોઈપણ પ્રકારની સહમતી વગર રૂ.૯૦,૦૦૦ નો કોલસો ટ્રકમાં ભરીને કોલસાની ચોરી કરીને લઈ જતા હતા.ત્યારે ટ્રક પકડાઈ ગયેલ છે જેથી હાલમાં કંપનીના કર્મચારી દ્વારા નોંધાવવામાં આવેલ ચોરીની ફરિયાદને આધારે પોલીસે ટ્રકના માલિક અને ટ્રક ચાલક સામે ગુનો નોંધેલ છે અને આ તપાસમાં ખુલે તે આરોપીઓને પકડવા માટે થઈને માળીયા મિયાણા તાલુકા પોલીસ દ્વારા તજવીજ શરૂ કરવામાં આવી છે.
