માળીયા (મી) ના રાસંગપર ગામે રામજી મંદિરનો પાટોત્સવ-રક્તદાન કેમ્પ યોજાયો
Morbi Today
મોરબી શહેરમાંથી ૧૪ બાઈકની ચોરી કરનાર શખ્સ ચોરાઉ બાઈક સાથે ઝડપાયો, ૩.૧૨ લાખનો મુદામાલ કબજે
SHARE
JOIN OUR GROUP
મોરબી શહેરમાં જુદા જુદા વિસ્તારમાંથી છેલ્લા ઘણા સમયથી બાઇક ચોરીની ઘટનાઓ બનતી હતી અને બાઇક ચોરીના ગુના પણ મોરબી એ ડિવિઝન પોલીસ સ્ટેશન ખાતે નોંધાયા હતા દરમિયાન બાઈક ચોરીના આ ગુનામાં સંડોવાયેલા શખ્સને પકડવા માટે થઈને પોલીસ દ્વારા જુદી જુદી દિશામાં તપાસ કરવામાં આવી રહી હતી દરમિયાન નંબર પ્લેટ વગરના મોટરસાયકલ સાથે મળી આવેલ શખ્સ પાસે જે બાઈક હતું તેની પોકેટ કોપ એપ્લિકેશનથી સર્ચ કરવામાં આવતા તે બાઇક ચોરાઉ હોવાનું સામે આવ્યું હતું જેથી કરીને પોલીસે તેની હવે પૂછપરછ કરતા તેની પાસેથી એક કે બે નહીં પરંતુ ૧૪ ચોરાઉ બાઈક મળી આવ્યા હતા જેથી કરીને પોલીસે કુલ મળીને ૩.૧૨ લાખ રૂપિયાનો મુદ્દામાલ કબજે કર્યો છે
જાણવા મળતી માહિતી પ્રમાણે મોરબી એ ડિવિઝન પોલીસ સ્ટેશનના વિસ્તારમાંથી છેલ્લા મહિનાઓમાં ધડાધડ બાઈક ચોરીના ગુના નોંધાયા હતા જેથી કરીને બાઇક ચોરીની ઘટનાને અંજામ આપનાર શખ્સ પોલીસના હાથમાં હોવાની ચર્ચાઓ થઈ રહી હતી દરમિયાન મળતી વિગત મુજબ મોરબી સીટી એ ડિવિઝન પોલીસ સ્ટેશનના એએસઆઇ રાજદીપસિંહ રાણા, ધર્મેન્દ્રભાઇ વાઘડીયા અને હિતેશભાઈ ચાવડાને મળેલ બાતમી આધારે મોરબીમાં મકરાણીવાસથી આગળના ભાગમાં નદીના કાંઠે રામઘાટ પાસેથી નંબર પ્લેટ વગરનું બાઈક લઈને નીકળેલા શખ્સને રોકીને તેની પાસે જે બાઈક હતું તેના કાગડો માંગતા તેણે ગલાતલા કર્યા હતા જેથી કરીને પોકેટકોપ એપ્લિકેશનના માધ્યમથી તે બાઈક અંગેની વિગત મેળવતા તે બાઇક ચોરઉ હોવાનું સામે આવ્યું હતું જેથી કરીને પોલીસે બાઈક સાથે ધરપકડ કરી હતી અને ત્યારબાદ તેની આગવી ઢબે પૂછપરછ કરવામાં આવતા તેણે મોરબી શહેરના જુદા જુદા વિસ્તારમાંથી છેલ્લા બે વર્ષના સમયગાળા દરમિયાન ૧૪ બાઇકની ચોરી કરી હતી અને તે તમામ બાઈકની રિકવરી હાલમાં એ ડિવિઝન પોલિસી ટીમ દ્વારા કરવામાં આવી છે અને ૩.૧૨ લાખની કિંમતનો મુદ્દામાલ પોલીસે કબજે કર્યો છે
