મોરબી શહેરમાંથી ૧૪ બાઈકની ચોરી કરનાર શખ્સ ચોરાઉ બાઈક સાથે ઝડપાયો, ૩.૧૨ લાખનો મુદામાલ કબજે
Morbi Today
ટંકારા પાસેથી ૧૧,૪૬૦ બોટલ દારૂ ભરેલ ટ્રક સાથે એક શખ્સ ઝડપાયો: ૪૫.૭૨ લાખનો મુદામાલ કબજે
SHARE
JOIN OUR GROUP
મોરબી રાજકોટ હાઇવે ઉપર આવેલ ટંકારા ગામ તરફથી રાજકોટ તરફ જતા ટ્રકમાં દારૂનો જથ્થો હોવાની બાતમી એલસીબીની ટીમને મળી હતી જેના આધારે મીતાણા ગામ પાસેથી પસાર થતા ટ્રકને રોકીને પોલીસ ચેક કર્યો હતો ત્યારે તેમાંથી દારૂની જુદી જુદી બ્રાન્ડની ૧૧,૪૬૦ બોટલ મળી આવી હતી જેથી કરીને પોલીસે દારૂ, રોકડા રૂપિયા, મોબાઇલ ફોન અને ટ્રક મળીને કુલ ૪૫.૭૨ લાખનો મુદ્દામાલ કબજે કરી એક શખની ધરપકડ કરેલ છે અને હાલલાં ટંકારા તાલુકા પોલીસ સ્ટેશન ખાતે ટ્રકના ડ્રાઇવર સહિત પાંચ શખ્સોની સામે ગુનો નોંધી તેને પકડવા માટે પોલીસે તજવીજ શરૂ કરી છે
જાણવા મળતી માહિતી પ્રમાણે મોરબી જિલ્લામાં દારૂ અને જુગારની બદીને ડામવા માટે થઈને એસપી રાહુલ ત્રિપાઠી તરફથી એલસીબીના પી.એમ ઢોલને સૂચના આપવામાં આવી છે તે મુજબ હાલમાં એલસીબીનીં ટીમ કામ કરી રહી છે અને એલસીબી ની ટીમના રામભાઈ મઢ, નિરવભાઈ મકવાણા, ભગીરથસિંહ ઝાલા અને ભરતસિંહ ડાભીને મળેલ બાતમી આધારે એલસીબીની ટીમ દ્વારા મીતાણા ગામ પાસે આવેલ રાધે પાન એન્ડ ટી સ્ટોલ ખાતે વોચ ગોઠવવામાં આવી હતી અને ત્યારે ટંકારા બાજુથી આવતો ટ્રક રાજકોટ તરફ જતો હતો ત્યારે ટ્રક નંબર જીજે ૨૪ વી ૮૯૭૫ ને રોકીને પોલીસ દ્વારા ચેક કરવામાં આવ્યો હતો ત્યારે ટ્રકમાંથી જુદી જુદી બ્રાન્ડની દારૂની ૧૧,૪૬૦ બોટલ મળી આવી હતી જેથી કરીને પોલીસે દારૂ તથા દસ લાખ રૂપિયાની કિંમતનો ટ્રક, ૫૦૦૦ નો એક મોબાઈલ ફોન, ૧૪૨૦૦ રોકડા આમ કુલ મળીને ૪૫,૭૨,૪૦૦ ની કિંમતનો મુદ્દા માલ કબજે કર્યો છે અને હાલમાં ટ્રક ડ્રાઇવર બુધારામ કાનારામજી બાબલે જાતે બિશ્નો (૪૩) રહે બાલાજીનગર રાજસ્થાન વાળાની ધરપકડ કરેલ છે અને તેની પાસેથી સુરેશ રહે. ચિત્તલવાના સાંચોર રાજસ્થાન વાળાનું નામ સામે આવ્યું છે જેથી કરીને સુરેશ તેમજ દારૂનો જથ્થો મંગાવનાર, મોકલનાર અને ટ્રક માલિક સહિત કુલ પાંચ શખ્સોની સામે ટંકારા તાલુકા પોલીસ સ્ટેશન ખાતે ગુનો નોંધીને પોલીસે બાકીના આરોપીઓને પકડવા માટે તજવીજ શરૂ કરી છે
