માળીયા (મી) હળવદ હાઇવે ઉપર આવેલ જીકે હોટલમાં યુવાને અંતિમ પગલું ભરતા સારવારમાં
Morbi Today
મોરબી: પતિએ થોડા દિવસો પછી કપડાં લેવા જવાનું કહેતા પરણીતાએ ભર્યું આવું પગલું..!
SHARE
JOIN OUR GROUP
મોરબી: પતિએ થોડા દિવસો પછી કપડાં લેવા જવાનું કહેતા પરણીતાએ ભર્યું આવું પગલું..!
મોરબી તાલુકાના નાગડાવાસ ગામે રહેતી પરણીતાને કપડાની ખરીદી કરવા માટે મોરબી આવવું હતું જો કે, તેના પતિએ થોડા દિવસો પછી જવાનું કહ્યું હતું જેથી લાગી આવતા પરણીતાએ પોતાની જાતે ફીનાઇલ પી લીધું હતું જેથી તેને સારવાર માટે મોરબીની હોસ્પિટલે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
બનાવની જાણવા મળતી વિગત પ્રમાણે મોરબી તાલુકાના જૂના નાગડાવાસ ગામે રહેતા જયદીપભાઇ સનુરાના પત્ની કાજલબેન (૨૦)એ પોતાની જાતે ફિનાઇલ પી લેતા તેને સારવાર માટે મોરબીની સમર્પણ હોસ્પિટલ ખાતે સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવી નોંધ કરી આગળ કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના પીએસઆઇ બગડા અને તેના રાઇટર વિજયભાઈ સવસેટા દ્વારા કરવામાં આવી હતી જેથી તેની સાથે વાત કરતા તેમને જણાવ્યું હતું કે, કાજલબેનને કપડાની ખરીદી કરવા માટે મોરબી જવું હતું જોકે, જયદીપભાઇને કારખાનામાંથી રજા મળે તેમ ન હોવાથી થોડા દિવસો પછી કપડાની ખરીદી કરવા માટે જવાનું કહ્યું હતું જેથી કરીને તેને લાગી આવતાં તેને પોતાની જાતે ફિનાઇલ પી લીધું હતું. વધુમાં જાણવા મળતી માહિતી મુજબ પરણીતાનો લગ્નગાળો એક વર્ષનો છે અને પોલીસે આ બનાવની નોંધ કરી રાબેતા મુજબની કાર્યવાહી હાથ ધરી છે
યુવાને દવા પીધી
મોરબી તાલુકાના ગીડચ ગામે રહેતા લાલાભાઇ ઘેલાભાઈ પાંચિયા (૨૩) નામના યુવાને પોતાની જાતે કોઈ દવા પી લીધી હતી જેથી કરીને તેને સારવાર માટે પ્રથમ મોરબીની ખાનગી હોસ્પિટલમાં લઈને આવ્યા હતા અન ત્યાથી વધુ સારવાર માટે આ યુવાનને રાજકોટ રીફર કરવામાં આવ્યો હોવાનું જાણવા મળ્યું છે હાલમાં મોરબી તાલુકા પોલીસે આ બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના એ.એમ. જાપડીયા ચલાવી રહ્યા છે
