ટંકારા તાલુકાની ગાંધીનગરથી આવેલા મતદાર યાદી સંક્ષિપ્ત સુધારણા કાર્યક્રમના રોલ ઓબ્ઝર્વરે મુલાકાત લીધી
Morbi Today
મોરબી જિલ્લા પ્રાથમિક શિક્ષક સંઘ દ્વારા કાલથી બે દિવસીય ક્રિકેટ ટુર્નામેન્ટનું આયોજન
SHARE
JOIN OUR GROUP
મોરબી જિલ્લા પ્રાથમિક શિક્ષક સંઘ દ્વારા કાલથી બે દિવસીય ક્રિકેટ ટુર્નામેન્ટનું આયોજન
મોરબી જિલ્લા પ્રાથમિક શિક્ષક સંઘ દ્વારા ક્રિકેટ ટુર્નામેન્ટનું આયોજન કરવામાં આવ્યું છે અને કાલથી બે દિવસ સુધી આ ક્રિકેટ ટુર્નામેન્ટ ચાલશે તેનું ઉદ્ઘાટન મોરબી માળીયાના ધારાસભ્ય તેમજ જિલ્લા પંચાયત શિક્ષણ સમિતિના ચેરમેન સહિતના આગેવાનો દ્વારા કરવામાં આવશે
મોરબી જિલ્લા પ્રાથમિક શિક્ષક સંઘના પ્રમુખ ઘનશ્યામભાઈ એસ. દેથરીયા અને મહામંત્રી દિનેશભાઇ આર. હુંબલ દ્વારા માહિતી આપવામાં આવી છે કે, મોરબી જિલ્લા પ્રાથમિક શિક્ષક સંઘ દ્વારા ક્રિકેટ ટુર્નામેન્ટનું આયોજન કરવામાં આવ્યું છે જેમાં કુલ મળીને આઠ ટીમો દ્વારા ભાગ લેવામાં આવેલ છે અને આ ક્રિકેટ ટુર્નામેન્ટ નાગડાવાસ ગામ પાસે આવેલ મુરલીધર ક્રિકેટ મેદાન ખાતે યોજાશે અને તા ૨૨ તેમજ ૨૩ ના રોજ જુદીજુદી ૮ ટીમો વચ્ચે મેચ રમશે અને છેલ્લે જિલ્લા પંચાયતની ટિમ તેમજ મુરલીધર ક્રિકેટ સ્પોર્ટ્સ ક્લબની ટીમની વચ્ચે ફ્રેંડલી મેચનું આયોજન કરવામાં આવ્યું છે આ ક્રિકેટ ટુર્નામેન્ટનું ઉદ્ઘાટન મોરબી માળીયાના ધારાસભ્ય કાંતિભાઈ અમૃતિયા, મોરબી જિલ્લા પંચાયતના શિક્ષણ સમિતિના ચેરમેન સોનગ્રા, પ્રવીણભાઈ આંબરિયા, જયેશભાઇ રાઠોડ, સુખાભાઇ ડાંગર અને દિનેશભાઇ ગરચર દ્વારા કાલે સવારે આઠ વાગ્યે કરવામાં આવશે આ કાર્યક્રમને સફળ બનાવવા માટે મોરબી જિલ્લા પ્રાથમિક શિક્ષક સંઘના પ્રમુખ ઘનશ્યામભાઈ એસ. દેથરીયા અને મહામંત્રી દિનેશભાઇ આર. હુંબલ સહિતની ટીમે જહેમત ઉઠાવી રહ્યા છે
