મોરબી-વાંકાનેરમાંથી ચાર બોટલ દારૂ સાથે બે શખ્સ પકડાયા

મોરબી શહેરમાં શનાળા રોડે અને વાંકાનેર શહેરમાં જુદી જુદી દારૂની બે રેડ કરવામાં આવી હતી ત્યારે બંને સ્થળેથી બે-બે બોટલ દારૂ સાથે બે શખ્સ મળી આવ્યા છે જેથી પોલીસે દારૂનો જથ્થો કબજે કરીને આ બંને સામે સ્થાનિક પોલીસ સ્ટેશનમાં ગુના નોંધીને આગળની રાબેતા મુજબની કાર્યવાહી હાથ ધરી છે અને આ શખ્સો પાસેથી મળી આવેલ દારૂની બોટલો કયાથી લાવ્યા હતા તે દિશામાં તપાસ શરૂ કરવામાં આવી છે

મોરબીના સનાળા રોડ ઉપર આવેલ સરદારબાગ પાસેથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની બે બોટલો મળી આવતા પોલીસે ૨૦૦૦ રૂપિયાની કિંમતની દારૂની બોટલો કબજે કરી હતી અને આરોપી કાસમભાઈ મામદભાઈ દલ જાતે સંધી મુસ્લીમ (૪૮) રહે વજેપર શેરી નં-૫ મોરબી વાળાની ધરપકડ કરે છે આવી જ રીતે વાંકાનેરની ચંદ્રપુર ગેલેક્સી સોસાયટી પહેલા પાતાળિયા નાલા પાસેથી પસાર થઈ રહેલા શખ્સને રોકીને પોલીસે ચેક કરતા તેની પાસેથી પણ દારૂની બે બોટલો મળી આવી હતી જેથી કરીને પોલીસે ૭૫૦ રૂપિયાની કિંમતનો દારૂનો જથ્થો કબજે કર્યો હતો અને આરોપી અમિતભાઈ ઉર્ફે હમીદ હનીફભાઈ બ્લોચ જાતે મકરાણી (૨૭) રહે. ચંદ્રપુર પાણીના ટાંકા પાસે વાંકાનેર વાળાની ધરપકડ કરેલ છે