મોરબીમાં સાઇલેન્સરમાંથી ફાયરિંગ કરનારા સહિત ૧૧ ના વાહનો ડિટેઇન

મોરબીના સનાળા રોડ, વાવડી રોડ, ગોલા બજાર, એસપી રોડ વગેરે વિસ્તારમાં ધૂમ સ્ટાઇલથી બાઇક ચલાવનારા શખ્સો તેમજ મોડીફાઇ કરેલા સાઇલેન્સર વાળા વાહનો લઈને નીકળેલા શખ્સોની સામે પોલીસે લાલાઆંખ કરી છે અને ૧૧ વાહનો ડીટેઇન કરીને ૧૦,૩૦૦ નો દંડ વસૂલ કરવામાં આવ્યો છે

જાણવા મળતી માહિતી પ્રમાણે મોરબીના જુદા જુદા વિસ્તારની અંદર રાત્રિ દરમિયાન કેટલા ઇસમો ધૂમ સ્ટાઇલમાં બાઇક લઈને નીકળતા હોય તેમજ મોડીફાઇ કરેલા સાઇલેન્સર વાળા વાહનો લઈને નીકળતા હોય છે અને આ સાયલેન્સરમાંથી ફાયરિંગ જુએવા આવાજ કરતાં હોય છે તેવી ફરિયાદો મળી હતી જેથી કરીને પોલીસ દ્વારા જુદા જુદા વિસ્તારની અંદર ટ્રાફિક ઝુંબેશ હાથ ધરવામાં આવી હતી અને ત્યારે મોરબીના શનાળા રોડ, રવાપર રોડ, વાવડી રોડ, ગોલા બજાર, એસપી રોડ સહિતના વિસ્તારોમાં ધૂમ સ્ટાઈલથી બાઈક ચલાવીને નીકળેલા શખ્સો તેમજ મોડીફાઇ કરેલા સાઇલેન્સર વાળા વાહનો લઈને તેમાંથી ફાયરિંગ કરનારા કુલ મળીને ૧૧ જેટલા વાહનોને ડીટેઇન કરવામાં આવ્યા છે અને નંબર પ્લેટ વગરના તેમજ લાઇસન્સના કાગળ વગરના વાહન ચાલકો પાસેથી સ્થળ ઉપરથી ૧૦,૩૦૦ નો દંડ વસૂલ કરવામાં આવ્યો હોવાનું હાલમાં મોરબી સીટી ઈન્ડીયન પોલીસ સ્ટેશનના પી.આઇ. હકૂમતસિંહ જાડેજા પાસેથી જાણવા મળે છે અને આગામી સમયમાં પણ આવી જ રીતે મોરબી શહેરના જુદા જુદા વિસ્તારની અંદર ટ્રાફિક માટેની ઝુંબેશ ચલાવવામાં આવશે તેવું જાણવા મળ્યું છ

મહિલા બુટલેગર

મોરબી તાલુકા પોલીસ સ્ટેશનમાં વર્ષ ૨૦૨૨ માં નોંધાયેલ દારૂના ગુનામાં છેલ્લા પાંચ મહિનાથી નાસતી ફરતી મહિલા બુટલેગરને પકડવા માટે તજવીજ કરવામાં આવી રહી હતી દરમિયાન મહિલા બુટલેગર કાજલબેન ઉર્ફે ગીતાબેન દેવાભાઈ માથાસુરીયા રહે મદારગઢ તાલુકો સાયલા જિલ્લો સુરેન્દ્રનગર વાળી મોરબીના મહારાણા પ્રતાપ સર્કલ પાસે હોવાની માહિતી મળી હતી જેથી કરીને મહિલા પોલીસ કર્મચારીને સાથે રાખીને ત્યાંથી મહિલા બુટલેગરની ધરપકડ કરીને તેને મોરબી તાલુકા પોલીસ સ્ટેશને સોપવામાં આવેલ છે જેથી કરીને પોલીસે આગળની રાબેતા મુજબની કાર્યવાહી હાથ ધરી હતી