મોરબીથી માટેલ જતાં પદયાત્રી યુવાનને અજાણ્યા વાહન ચાલકે હડફેટે લેતા સારવારમાં
Morbi Today
મોરબીમાં મહારાણા સર્કલ પાસે રહેતી મહિલા ફિનાઇલ પી જતાં સારવારમાં
SHARE
JOIN OUR GROUP
મોરબીમાં મહારાણા સર્કલ પાસે રહેતી મહિલા ફિનાઇલ પી જતાં સારવારમાં
મોરબી શહેરના સામાકાંઠે વિસ્તારમાં મહારાણા સર્કલ પાસે રહેતી મહિલા કોઈ કારણોસર ફીનાઇલ પી જતા તેને સારવાર માટે હોસ્પિટલે ખસેડવામાં આવેલ છે અને હોસ્પિટલે સારવાર આપવામાં આવ્યા બાદ આ બનાવની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીમાં મહારાણા પ્રતાપ સર્કલ પાસે રહેતા ચેતનાબેન નિલેશભાઈ ગોધાણી (૩૦) કોઈ કારણોસર પોતે પોતાની જાતે ફિનાઇલ પી ગયા હતા જેથી કરીને તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં મહિલાને સારવાર આપવામાં આવ્યા બાદ આ બનાવ અંગેની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની આગળની વધુ તપાસ બી ડિવિઝન પોલીસ સ્ટેશનના જે.જે. ડાંગર ચલાવી રહ્યા છે
મારામારીમાં ઇજા
મોરબી નજીકના ભડીયાદ પાસે હરિઓમ પાર્કમાં રહેતા બાબુભાઈ કેશુભાઈ સોમાણી (૨૮) ને મારામારીમાં ઈજા થઈ હતી જેથી તેને સારવાર માટે હોસ્પિટલમાં લઈને આવ્યા હતા અને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના વાલભાઈ ચાવડા ચલાવી રહ્યા હોવાનું જાણવા મળેલ છે
અકસ્માતમાં ઇજા
મોરબી શહેરમાં બી ડિવિઝન પોલીસ સ્ટેશનની સામેના ભાગમાં આવેલ ભક્તિનગર સોસાયટીમાં રહેતા ચિરાગ વિનોદભાઈ પંડ્યા (૨૩) નામના યુવાનને વાહન અકસ્માતના બનાવમાં ઈજા થઈ હતી જેથી કરીને ઈજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
