ટંકારાના અમરાપર ગામેથી ગુમ થયેલ યુવતીની કૂવામાંથી લાશ મળી
SHARE
JOIN OUR GROUP
ટંકારાના અમરાપર ગામેથી ગુમ થયેલ યુવતીની કૂવામાંથી લાશ મળી
મૂળ એમપીના રહેવાસી અને હાલમાં મોરબી જિલ્લાના ટંકારા તાલુકામાં આવતા અમરાપર ગામે વાડીએ રહીને મજૂરી કામ કરતા પરિવારની યુવતી છેલ્લા બે દિવસથી ગુમ થઈ ગઈ હતી અને ત્યારબાદ જે વાડીમાં તે કામ કરતા હતા તેની બાજુની વાડીના કૂવામાંથી તે યુવતીની લાશ મળી આવી છે જેથી કરીને ટંકારા પોલીસે આ બનાવની નોંધ કરીને મૃતક યુવતીના મૃતદેહને ફોરેન્સિક પીએમ માટે હાલમાં રાજકોટમાં લઈ જવામાં આવેલ છે
બનાવની જાણવા મળતી માહિતી પ્રમાણે મૂળ એમપીના ઉમરબેડ ગામના રહેવાસી અને હાલમાં ટંકારા તાલુકાના અમરાપર ગામે યુનુસભાઈ બાદીની વાડીએ રહેતા અને મજૂરી કામ કરતા ફોડારીયાભાઈ તોકડિયાની દીકરી બાયલીબેન (૧૭) છેલ્લા બે દિવસથી વાડીએથી ગુમ થઈ ગઈ હતી અને તેને શોધવા માટે પરિવારના સભ્યો સહિતના તજવીજ કરી રહયા હતા દરમિયાન જે વાડીમાં તે લોકો કામ કરતા હતા તેની બાજુમાં હુસેનભાઇ બાદીની વાડી આવેલ છે જેના કૂવામાંથી બાયલીબેનનો મૃતદેહ મળી આવ્યો હતો જેથી કરીને તેને પાણીમાંથી બહાર કાઢીને પીએમ માટે ટંકારાની સરકારી હોસ્પિટલ ખાતે લઈ આવ્યા હતા અને આ બનાવની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની આગળની વધુ તપાસ કરતા ટંકારા તાલુકા પોલીસ સ્ટેશનના હેડ કોન્સ્ટેબલ એસ.બી. સીદીકી સાથે વાત કરતા તેમણે જણાવ્યું હતું કે મૃતક યુવતીના મૃતદેહને ફોરેન્સિક પીએમ માટે હાલમાં રાજકોટ ખસેડવામાં આવેલ છે
