મોરબી નજીકના વૈદેહી ફાર્મ પાસેથી ચોરાઉ બાઇક સાથે એક શખ્સની ધરપકડ

મોરબી એ ડિવિઝન પોલીસની ટીમે રવાપર ઘુનડા રોડે આવેલ વૈદેહી ફાર્મ પાસેથી ચોરાઉ બાઇક સાથે એક શખ્સની ધરપકડ કરવામાં આવી છે અને તેની પાસેથી બાઇક કબ્જે કરીને આગળની કાર્યવાહી કરેલ છે

જાણવા મળતી માહિતી મુજબ મોરબી સીટી એ ડિવિઝન પોલીસના વિસ્તારમાં આવેલ વૈદેહી ફાર્મ પાસેથી ચોરાઉ બાઇક સાથે એક શખ્સની ધરપકડ કરવામાં આવી છે મોરબી એ ડિવિઝન પોલીસને ચોક્કસ બાતમી મળી હતી જેના આધારે રવાપર રોડ ઉપર આવેલ વૈદેહી ફાર્મ પાસેથી ચોરાઉ બાઇક લઈને નીકળેલ આરોપી સંજયભાઈ કાળુંભાઈ વિકાણી (૧૯) મૂળ લાયન્સ નગર શનાળા અને હાલમાં સમ્રાટનગર જામનગર વાળાની ધરપકડ કરેલ છે અને તેની પાસેથી ૨૫૦૦૦ રૂપિયાની કિંમતનું બાઇક કબ્જે કરેલ છે અને આગળની કાર્યવાહી હાથ ધરી છે

ગુનો નોંધાયો
ટંકારા તાલુકાના લજાઈ પાસે આવેલ ગોડાઉનમાં તેના માલિકે સીસીટીવી કેમેરા લગાવેલ નથી જેથી પોલીસે જાહેરનામાના ભંગનો તેના માલિક રોનકભાઈ મનસુરભાઈ બગથરિયા રહે. સજનપર તાલુકો ટંકારા વાળાની સામે ટંકારા તાલુકા પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે ઉલેખનીય છે કે, થોડા દિવસો પહેલા એલસીબીની ટીમે લજાઈ પાસે ગોડાઉનમાં રેડ કરીને વિદેશી દારૂના જથ્થા સાથે છ શખ્સોની ધરપકડ કરેલ હતી ત્યાર બાદ હવે સ્થાનિક પોલીસ ધંધે લાગી છે