મોરબીના વાવડી નજીક અકસ્માત સર્જીને યુવાનનું મોત નિપજાવનાર રિક્ષા ચાલકની ધરપકડ

મોરબીના વાવડી રોડે ન્યારાના પેટ્રોલ પંપ પાસે સીએનજી રીક્ષા સાથે બીજી સીએનજી રીક્ષા અથડાઈ હતી જેથી અકસ્માતનો બનાવ બન્યો હતો અને ત્યારે એક રીક્ષા ચાલકને ગંભીર ઈજા થઈ હોવાથી તેનું મોત નીપજયું હતું જેની ફરિયાદ નોંધાઈ હતી તેના આધારે પોલીસે આ ગુનામાં આરોપી રિક્ષા ચાલકની ધરપકડ કરેલ છે

જાણવા મળતી માહિતી પ્રમાણે મોરબીના જોન્સનગર શેરી નં-૧૧ માં રહેતા સુનિલભાઈ હકાભાઇ પરમાર જાતે રાવળદેવ (૨૫) એ સીએનજી ઓટો રીક્ષા નંબર જીજે ૩૬ યુ ૭૮૭૧ ના ચાલક સામે થોડા દિવસો પહેલા મોરબી તાલુકા પોલીસ સ્ટેશને ફરિયાદ નોંધાવી હતી જેમાં તેણે જણાવ્યું હતું કે, મોરબીના વાવડી રોડ ઉપર ન્યારાના પેટ્રોલ પંપથી આગળના ભાગમાં તેનો ભાઈ સચિન હકાભાઇ પરમાર જાતે રાવળદેવ (૨૩) પોતાની સીએનજી રીક્ષા જીજે ૩૬ ટી ૨૧૬૮ લઈને જઈ રહ્યો હતો ત્યારે આરોપીએ ગફલત ભરી રીતે પોતાની રીક્ષા ચલાવીને તેના નાના ભાઈની રીક્ષાને ટક્કર મારી હતી અને અકસ્માત સર્જ્યો હતો ત્યારે ફરિયાદીનો ભાઈ નીચે પડી જતા તેને શરીરે ગંભીર ઈજા થઈ હતી જેથી તેનું મોત નીપજ્યું હતું આ ગુનામાં પોલીસે અકસ્માત સર્જનાર રીક્ષા ચાલક સિકંદર જીવાભાઇ સુમરા જાતે સંધિ મુસ્લિમ (૩૫) રહે. બિલિય મોરબી વાળાની ધરપકડ કરેલ છે

અકસ્માતમાં ઇજા

મોરબી રાજકોટ હાઇવે ઉપર ટંકારા નજીક વાહન અકસ્માતનો બનાવ બન્યો હતો જેમાં મોરબીના જેતપર રોડ ઉપર બેલા ગામ પાસે આવેલ એસ્પોટ સિરામિક કારખાનામાં રહેતા મરિયમબેન ગોમાભાઇ મહારાણા (૨૩) અને આજીત ગોમાભાઇ મહારાણા (૨) ને ઇજાઓ થઈ હતી જેથી ઇજાગ્રસ્ત હાલતમાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે આ બનાવની આગળ વધુ તપાસ વિપુલભાઈ ફૂલતરિયા ચલાવી રહ્યા છે

વીંછી કરડી ગયો

ટંકારાના નેસડા ગામે નવીનભાઈ ભીમાણીના વાડીએ રહીને મજૂરી કામ કરતા કાલુભાઈ વસુનિયાની દોઢ માસની દીકરી નીહાબેનને વીંછી કરડી ગયો હતો જેથી તેને તાત્કાલિક સારવાર માટે પ્રથમ ટંકારા લઈને આવ્યા હતા ત્યાંથી વધુ સારવાર માટે મોરબીની સરકારી હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે આ બનાવની વધુ તપાસ વિપુલભાઈ ફૂલતરિયા ચલાવી રહ્યા છે જોકે બનાવ ટંકારા તાલુકા પોલીસની હદનો હોવાથી ત્યાં બનાવની જાણ કરવા માટેની કવાયત કરવામાં આવી છે