વાંકાનેરમાં અજાણ્યા પુરુષનું કોઈ કારણોસર મોત: ઓળખ મેળવવા તજવીજ
Morbi Today
વાંકાનેરના ઢુવા રોડે કારખાનામાં રહેતા યુવાનને તેની પત્નીએ ધારીયાનો ઘા ઝીકયો
SHARE
JOIN OUR GROUP
વાંકાનેરના ઢુવા રોડે કારખાનામાં રહેતા યુવાનને તેની પત્નીએ ધારીયાનો ઘા ઝીકયો
વાંકાનેર તાલુકાના ઢુવા રોડ ઉપર આવેલ કારખાનામાં રહેતા યુવાન અને તેની પત્ની વચ્ચે કોઈ કારણોસર બોલાચાલી થઈ હતી ત્યારે યુવાનને તેની પત્નીએ ધારિયું માર્યું હતું જેથી કરીને ઈજા પામેલા યુવાનને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ લઈ જવામાં આવેલ છે અને આ બનાવની સ્થાનિક પોલીસને જાણ કરવા માટેની કવાયત હાથ ધરવામાં આવી છે
બનાવની જાણવા મળતી માહિતી પ્રમાણે વાંકાનેર તાલુકાની હદમાં ઢુવા રોડ ઉપર આવેલ શિવમ ઇન્ડસ્ટ્રીઝમાં રહેતા અને મજૂરી કામ કરતા અર્જુન સુમસિંગ ડામોર (૧૮)ને ધારીયા વડે ઇજા થઈ હોવાથી તેને ઇજાગ્રસ્ત હાલતમાં પ્રથમ સારવાર માટે મોરબી અને ત્યાંથી વધુ સારવાર માટે રાજકોટની સિવિલ હોસ્પિટલ ખાતે લઈ ગયા હતા અને આ બનાવની હોસ્પિટલ મારફતે સ્થાનિક પોલીસને જાણ કરવા માટેની કવાયતા કરવામાં આવી હતી દરમિયાન ઇજાગ્રસ્ત અર્જુનના પિતા સુમસિંગ સાથે ફોન ઉપર વાત કરતાં તેમણે જણાવ્યું હતું કે, રાત્રિ દરમિયાન તેનો દીકરો અને પુત્રવધુ રૂમમાં હતા ત્યારે કોઈ કારણોસર બંને વચ્ચે બોલાચાલી થઈ હતી ત્યારે અર્જુન તેની પત્નીને મારવા જતા તેની પત્નીએ ધારિયા વડે તેના પતિ ઉપર હુમલો કરીને માર માર્યો હતો જેથી ઇજા પામેલા અર્જુનને સારવાર માટે હોસ્પિટલે ખસેડવામાં આવેલ છે હાલમાં પોલીસે બનાવની નોંધ કરી આગળની કાર્યવાહી હાથ કરી છે
