મોરબીની જનકપુરી સોસાયટીમા આવેલ દુકાનમાંથી નસીલી આયુર્વેદિક શિરપની ૧૨,૨૪૦ બોટલ કબજે: ૧૨.૨૪ લાખનો માલ જપ્ત
SHARE
JOIN OUR GROUP
મોરબીની જનકપુરી સોસાયટીમા આવેલ દુકાનમાંથી નસીલી આયુર્વેદિક શિરપની ૧૨,૨૪૦ બોટલ કબજે: ૧૨.૨૪ લાખનો માલ જપ્ત
મોરબી માળીયા હાઇવે ઉપર આવેલ જનકપુરી સોસાયટીમા આવેલા સોપીંગ સેંટરની દુકાનમાં નસીલી આયુર્વેદિક શિરપની બોટલો હોવાની માહિતી બી ડિવિઝન પોલીસને મળી હતી જેના આધારે પોલીસે ત્યાં ચેક કરતાં આયુર્વેદીક દવાના ઓઠા હેઠળ શંકાસ્પદ નશાકારક સીરપનું વેચાણ કરવામાં આવતું હોવાનું સામે આવ્યું હતું જેથી કરીને પોલીસે ૧૨,૨૪૦ બોટલ કબજે કરી હતી અને સ્થળ ઉપરથી ૧૨,૨૪,૦૦૦ નો જથ્થો કબજે કરેલ છે અને આગળની કાર્યવાહી કરી છે
મોરબી જિલ્લામાં આયુર્વેદીક દવાના ઓઠા હેઠળ નશાકારક સીરપનું વેચાણ જુદાજુદા સ્થળે કરવામાં આવી રહ્યું છે ત્યારે મોરબી તાલુકા પોલીસે ગઇકાલે ૯૭૬ બોટલ શિરપનો જથ્થો પકડાયો હતો ત્યાર બાદ હાલમાં બી ડિવિઝન પોલીસે શિરપનો જથ્થો પકડેલ છે જેની માહિતી આપતા પીઆઇ પી.એ. દેકાવાડીયાએ જણાવ્યુ હતું કે તેઓ અને સ્ટાફ પેટ્રોલીંગમાં હતો ત્યારે માળીયા-મોરબી ને.હા. ઉપર આવેલ જનકપુરી સોસાયટીમા આવેલ સોપીંગ સેંટરની દુકાન નંબર ૩ ને ચેક કરી હતી ત્યારે પાર્થભાઇ હસમુખભાઇ ચૌહાણ જાતે રાવળદેવ (૨૫) રહે. જનકપુરી સોસાયટી ને.હા. ઘર નં. ૩ મોરબી વાળાની ની દુકાનમાંથી આર્યુવેદીક હર્બલની બોટલો TORQUE ASAVA WITH HERBAL EXTRACTS 400 ML BATCH NO.TQ19 લખેલ ૫,૩૨૦ બોટલ તથા STONEHEAL SAFE & EFFECTIVE ARISHTHA 400 ML BATCH NO.SH305 લખેલ ૬,૯૨૦ બોટલ આમ કુલ મળીને આર્યુવેદીક બોટલ નંગ ૧૨,૨૪૦ જેની કિંમત ૧૨,૨૪,૦૦૦ નો મુદ્દામાલ કબ્જે કરેલ છે અને જે બોટલ કબજે કરેલ છે તેને એફએસએલમાં મોકલીને પોલીસે આગળની કાર્યવાહી કરેલ છે આ કામગીરી પીઆઇની સૂચના મુજબ બી.આર.ખટાણા, નરેન્દ્રભારથી મહેદ્રભારથી, વિજયભાઇ મુળુભાઇ, ચંદ્રસિંહ કનુભાઇ, ભરતભાઇ આપાભાઇ, કલ્પેશભાઇ અમરશીભાઇ, બ્રિજેશભાઇ જેસંગભાઇ, રમેશભાઇ રાયધનભાઇ, પ્રદિપસિંહ બહાદુરસિંહ, ધર્મેન્દ્રભાઇ મગનભાઇ, કિર્તીસિંહ બહાદુરસિંહ, શક્તિસિંહ કિશોરસિંહ વિગેરેએ કરેલ છે.
