મોરબીના શનાળા ગામે થયેલ સામસામી મારામારીના ગુનામાં બે મહિલા સહિત ત્રણની ધરપકડ
SHARE
JOIN OUR GROUP
મોરબીના શનાળા ગામે થયેલ સામસામી મારામારીના ગુનામાં બે મહિલા સહિત ત્રણની ધરપકડ
મોરબી નજીકના શનાળા ગામે ઇન્દિરાવાસમાં સાંઈબાબા ચોક પાસે મારામારીનો બનાવ બન્યો હતો જેમાં યુવાને નોંધાવેલ ફરિયાદ આધારે પોલીસે બે મહિલા સહિત ત્રણ આરોપીની ધરપકડ કરેલ છે અને આગળની રાબેતા મુજબની કાર્યવાહી કરવામાં આવેલ છે
જાણવા મળતી માહિતી મુજબ મોરબીના સનાળા ગામે ઇન્દિરાવાસમાં સાઈબાબા ચોક પાસે રહેતા નીતિનભાઈ મહેશભાઈ સોલંકી જાતે અનુ. જાતિ (૨૧)એ થોડા દિવસો પહેલા મોરબી એ ડિવિઝન પોલીસ સ્ટેશન ખાતે મહિપત ઉર્ફે ભૂરો રવજીભાઈ વાઘેલા, હંસાબેન રવજીભાઈ વાઘેલા અને સપનાબેન મહિપતભાઈ વાઘેલા રહે. બધા ઇન્દિરાવાસ સનાળા વાળાની સામે ફરિયાદ નોંધાવી હતી જેમાં જણાવ્યુ હતું કે, તેઓ પોતાની ઇકો કાર નંબર જીજે ૩૬ એલ ૪૯૬૮ લઈને પોતાના ઘરે જતા હતા ત્યારે રસ્તામાં મહિપત ઉર્ફે ભૂરો બાઇક લઈને સામે આવ્યો હતો અને તેણે કાર ઉભી રખાવીને ગાળો આપી હતી અને પોલીસને કેમ મારી બાતમી આપે છે તેમ કહી હવે જો મારી બાતમી આપીશ તો તને જાનથી મારી નાખીશ તેવી ધમકી આપી હતી અને જતો રહ્યો હતો બાદમાં ફરિયાદીના દાદીમાં આરોપીના ઘરે ઠપકો આપવા જતા તેઓને માર મારતા ફરિયાદી અને તેનો ભાઈ રાહુલ પોતાની કાર લઈને જતાં હતા ત્યારે ફરિયાદી તથા ફરિયાદીના ભાઈને આરોપીઓએ લોખંડના પાઇપ અને હાથ વડે માર માર્યો હતો અને તેના દાદીને પણ માર માર્યો હતો અને મારી નાખવાની ધમકી આપી હતી જે ગુનામાં પોલીસે આરોપી મહિપત ઉર્ફે ભૂરો રવજીભાઈ વાઘેલા (૩૦), હંસાબેન રવજીભાઈ વાઘેલા (૫૦) અને સપનાબેન મહિપતભાઈ વાઘેલા (૨૬) ર હે. બધા ઇન્દિરાવાસ સનાળા વાળાની ધરપકડ કરીને આગળની કાર્યવાહી હાથ ધરી છે
બાઇક સ્લીપ
મોરબી તાલુકાના ચકમપર ગામે રહેતો બ્રિજ પ્રવીણભાઈ કાલરીયા (૧૮) નામનો યુવાન પોતાની વાડીએથી પરત પોતાના ઘર તરફ આવી રહ્યો હતો ત્યારે રસ્તામાં તેનું બાઈક સ્લીપ થઈ ગયું હતું જેથી કરીને અકસ્માતના બનાવમાં તે યુવાનને ઇજાઓ થઈ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરેલ છે
